Hamulaho wa Muunda, bana ba Nuwe ni basali babona baba ni bana babañata. Mabasi abona aekezeha mi bakala kuhasanela mwa libaka zeñata za lifasi, sina feela mwanaa babulelezi Jehova.

Kono mabasi amañwi naasika utwa Jehova. Kihaa bali: ‘Haluyaheñi muleneñi, mi lupile ku ona. Lukayaha tawala ili yeo ngo yayona ikayo fita kwa lihalimu. Mi lukazibahala hahulu.’

 Jehova naasika tabiswa ki zene baeza batu bao, kacwalo, abatuhelisa kuyaha. Kana mwaziba mwanaaezelize? Ka sipundumukela atahisa kuli babulele lipuo zeshutana-shutana. Bakeñisa kuli nebasa koni kuutwa zanaabulela yomuñwi ni yomuñwi, batuhela kuyaha. Muleneñi one bayaha wabizwa kuli Babele, ili libizo lelitalusa “Kulyangana.” Batu bakala kuhasanela mwa libaka kaufela za lifasi. Kono nebazwezipili kueza lika zemaswe kwa libaka kone baile. Kana nekunani batu bane basalata Jehova? Lukanyakisisa za taba yeo mwa tuto yetatama.