Oyanamati yaNoa naakulukadhi yawo, oya mono aanona oyendji konima yEyelu. Aanona yawo oya koko, noyi ihanene evi alihe, ngaashi naanaa Jehova e ya lombwele.

Yamwe yomuyo kaya li ya vulika kuJehova. Oya popi ya ti: ‘Natu tungeni oshilando tu kale mo. Otatu ka tunga oshungo onde ya tsa megulu. Tu iningile edhina lya simana.’

 Jehova ka li u uvitile ombili shoka taya ningi, onkee, okwa tokola oku ya kankeka. Mbela owu shi kutya okwe shi ende ngiini? Okwe ya ningitha ya popye omalaka ga yoolokathana ombadhilila. Oye etha po iilonga yokutunga, molwaashoka kaya li we yu uvitathane. Oshilando shoka ya li taya tungu osha li hashi ithanwa Babel, edhina ndyoka tali ti “Evundakano.” Aantu oya tameke okutembuka mo, e tayi ihanene evi alihe. Oya tsikile okuninga iinima iiwinayi komahala omape hoka ya yi. Mbela omwa li we ngaa nando ogumwe e hole Jehova? Otatu ke shi mona montopolwa tayi landula.