Me no aefa Molö Sabölö-bölö, itugu ato maʼuwu Noakhi. Tobali ira ösi nomo sebua. Oi zara lasawa misa zi sagörö ulidanö, simane niwaʼö Yehowa.

Hizaʼi, so ösa nösi nomo si lö moloʼö niwaʼö Yehowa. Lamane, ’Aine, datafasindro khöda mbanua enaʼö ba daʼa manö toröi ita. Tafazökhi khöda malige salawa sirugi mbanua si yawa. Tobali ita si tehöngö dania.’

 Lö omasi Yehowa nifaluara, andrö iʼalui lala enaʼö laböhöli. Öʼila hadia nifaluania? Ifaböʼö-böʼöni lira. Börö me faoma lö laʼila niwaʼö nawöra, andrö laböhöli wohalöwö. Banua nifazökhira lafotöi ia Babeli, eluahania ”Faʼafawuka”. Tobali, oi zara mofanö niha moroi ba daʼö ba muzawili ira misa ba zi sagörö ulidanö. Hizaʼi, ba nahia sawena larugi, lö laböhöli waʼalösökhi. Hadia so nasa zangomasiʼö Yehowa? Datafaigi ba faza aefa daʼa.