BÍHWIIDOOʼÁŁÍGÍÍ 7
Béíbelgi Kin Wótʼááh Yíʼáii
Tó Yíląąd bikéédóó, Nóah biyeʼké dóó bedaʼasdzą́ą́ tʼóó ahayóí baʼáłchíní dahazlı̨́ı̨́ʼ. Jiihóvah tʼáá ánínę́ęgi átʼéego, nahasdzáán bikááʼgóó kʼeeʼąą dínéestʼą́.
Ákondi łaʼ éí Jiihóvah doo yikʼeh dahóółʼįįd da. Áko ádaaní: ‘Haaʼíshąʼ kin haalʼáago áádóó kin wótʼááh yíʼáago yá bichʼįʼ niníʼáago ádadiilnííł. Kótʼéego yízhí ayóó átʼéii bee nihiʼdójíigo ádadiilnííł.’
Bíhwiidooʼáłígíí 8 góneʼ díí bééhodoozįįł.
Ákódajiidzaaígíí Jiihóvah doo bił yáʼíítʼéeh da. Éí biniinaa hatsʼą́ą́ʼ niiníłtʼiʼ. Haitʼéego niiníłtʼiʼ? Hazaad ałʼąą átʼéego bee yádajiłtiʼgo áhoolaa. Áko yádajiłtiʼígíí doo ałkʼidazhʼdiitįįhgóó biniinaa hanaanish yę́ę bitsʼá jiiskai. Díí kin dashijaaʼígíí éí Béíbel wosyeʼ. Béíbel éí “Hoł Dahóółąąd” jiníigo óolyé. Áádóó éí daʼníłtsʼą́ą́ʼgóó tadzooskai. Éí nidajiiznáágóó bąąhági átʼéii tʼáá baa jookah ńtʼééʼ. Łaʼísh tʼahdii Jiihóvah ayóóʼádayóʼníí ńtʼééʼ?“Tʼááłáʼí jinítínígo ayóó ájítʼé ízhʼdólzinígíí éí aʼohgo ájítʼéego áhodiʼdoolnííł, nidi tʼáá háiida aʼohgo ádaa nitsídzíkeesígíí éí ayóó átʼéii jílı̨́įgo áhodiʼdoolnííł.”—Luke 18:14