LECCIÓN 7
Babel llajtapi rurashca torre
Yacu juillu tiyashca qꞌuipaca Noepaj churicunaca achca huahuacunatami charircacuna. Paicunapaj familiacuna mirarijpimi Jehová mandashca shina tucui ladocunapi causanaman rircacuna.
Pero huaquincunaca Diosta mana cazurcacunachu. Chaimantami paicunaca, ‘jacuchij shuj jatun pueblotapish jahua pachaman chayajta torretapish rurashunchij. Chashnami tucuicuna rijsishca cashun’ nircacuna.
Catij leccionpimi caita yachashun.
Paicuna ruracushcata mana munashcamantami Diosca jarcarca. ¿Ima shina? Ñapishmi chai gentecunataca chꞌican chꞌican shimicunapi rimachirca. Paicunapura mana intindinacushpami chai torreta ruranata saquircacuna. Chaimantami chai llajtataca Babel shutita churarcacuna. Babelca chꞌican chꞌican shimicuna callarishcatami nisha nin. Qꞌuipaca shujtaj ladocunapi causanaman rishpaca millaita rurashpami catircacuna. ¿Chai tiempopica Diosta cꞌuyajca pi tiyashcachu canga?“Maijanpish jatunmi cani nirijtaca, pingachishcami canga. Mana jatun tucujtaca, jatunyachishcami canga” (Lucas 18:14).