Watakunapa risqanman hinam Noeypa churinkunaqa achka churi-wawayuq karqaku, hinaspam tukuy hinastinman chiqirurqaku Jehova Diospa kamachisqanman hina miraruspanku.

Wakin runakunam ichaqa Jehova Diosta mana kasukuspanku nirqaku: “Hatarichisunchikyá llaqtata, pirqasuntaqyá  hanaq pachakama haypaq hatu-hatun urqutapas chaynapi ancha riqsisqa kananchikpaq”, nispanku.

Chay ruwasqankuqa manam Diospa munasqanman hinachu karqa, chaymi ruwasqankuta saqinankupaq runakunata huk rimaykunapi rimarachirqa. Chayraykum llaqtapa sutinqa karqa Babel, chay ninanqa “chaqwa” ninanmi. Rimayninku mana chaynalla kasqanraykum sapakama huk lawkunaman ripukurqaku, mana allin ruwayninkutam ichaqa mana saqirqakuchu. Chaywanpas, ¿kanmanchu karqa Jehova Diosta kasukuq runa? Qatiqninpim chaymanta yachasun.