Jatun paraq kasqan qhepamanmi Noepas wawankunapas wawakunayoq kapuranku. Jinan astawan yapakuspanku runakunaqa allpantinpi ch’eqeriranku Jehová Diospa nisqanman jina.

Wakinmi ichaqa Jehová Diosta mana kasukurankuchu, jinan niranku: “¡Kaypi qhepakusun jinaspa llaqtata sayarichispa jatunkaray torreta ruwasun. Chhaynapin allin reqsisqa kasun!”, nispa.

 Jehová Diosmanmi ichaqa mana gustaranchu chay ruwasqanku, jinan tatichipuran. ¿Imaynata tatichiran? Qonqayllamantan runakunata juj rimaykunata rimachipuran. Mana entiendenakusqankuraykun torre ruwayta saqepuranku. Jinan runakunaqa chay llaqtata suticharanku Babel nispa. Chayqa “mana entiendenakuy” ninanmi. Torreta ruwaq runakunaqa jinantin ladomanmi ripuranku. Chaywanpas mana allin kaqtan ruwashallaranku. ¿Pillapas Jehová Diosta munakuranchu? Chaymantan qatimuqpi yachasunchis.