Кала прожыля о потопо, кай лэ Ноёстирэ шавэ арақаделэпэ бут бэятцэ. Лэндирэ еря барёнас, и мануша линэ тэ розжанпэ па вся ԥув. Вонэ стердэ кадя, сар ԥэндя лэнди о Иегова.

Но най всаворэ еря канглэ лэ Иеговас. Кадэла мануша ԥэндэ: «Ашампэ катэ и построисарам форо! Амэ стераса бари, розбари башня жы кай о нэбо. И тоди амэ аваса ашунглэ!»

 Лэ Иеговасти фартэ на чалеля, со загиндосардэ кадэла мануша. Во закамля лэн тэ тердярэл. Ӷанэс сар? Во стердя кадя, кай вонэ линэ тэ дэн дума пэ разни шыба. И мануша уже на полэнас ек аврэс, и вонэ парашэлэ тэ строин. Пэ кадэва форо, саво вонэ строинас, линэ тэ ԥэнэн Вавилоно, важ кода кай котэ и мануша «линэ тэ дэн дума пэ разни шыба». И мануша линэ тэ ужантар котар и линэ тэ жувэн па вся ԥув. Но и котэ вонэ на кандэнас лэ Дэвлэс. Сас котэ хоть ек мануш, саво любияс лэ Иеговас? Уӷанаса пала када май англэ.