ROSO 7
Baabeeli Gimbe
Baote Wayi gedensaanni Nohi ooso lowo ooso iltino. Mininsa manni kiiro lexxitino; hakkiinni insa Yihowa yiino garinni gobba woˈmitino.
Kayinni insa giddo mitu Yihowara hajajama gibbino. Insa togo yitino: ‘Amme katama miˈnine hakko heeˈnona. Gordo qasiˈrino mine miˈnino. Hakkiinni mannu baalu afinonkere ikkineemmo.’
Aante noo xaggera hakko manchire ronseemmo.
Yihowa insa assitinore dibaxino; konni daafira insa hakkonne mine mintannota hoolino. Yihowa insa mintannota hoolinohu hiittoonniitiro afootto? Yihowa hedeweelcho insa babbaxxino qaale coyidhanno gede assino. Mittu coyiˈrannore wolu afannokki daafira mine mina agurtino. Insa mintino katama Baabeeli yinoonni; Baabeeli yaa “Burduuqoho” yaate. Mannu baalu hakkiinni haˈre, gobba gosate billaalle heeˈra hanafi. Kayinni kuni manni marinowa busha looso loosa diagurino. Insa giddo Yihowa baxanno manchi nooyya?“Umosi gotti assannohu baalu heeshshi yaanno; umosi heeshshi assannohu kayinni gotti yaanno.”—Luqaasi 18:14