Baka a Frudu, den boi fu Noa nanga den frow fu den meki furu pikin. A famiri fu den ben kon moro bigi. Den bigin go libi na ala sei fu grontapu, soleki fa Yehovah ben taigi den.

Ma wan tu fu den famiri no ben wani arki Yehovah. Den ben taki: ’Meki wi bow wan foto èn tan dyaso. Wi o meki wan toren di hei go te na hemel. Dan wi o kisi biginen.’

Yehovah no ben breiti taki den du dati èn a du wan sani fu stop den. Yu sabi san a du? A meki den sma bigin taki ala  sortu tongo. Fu di den no ben man frustan makandra moro, meki den tapu nanga a wroko. Bijbel e kari a foto di den ben e bow Babel. A nen disi wani taki „Bruya”. Den sma bigin froisi go libi na tra presi fu grontapu. Ma den ben e tan du ogri go doro. Sma ben de ete di ben lobi Yehovah? Wi o si dati na ini a tra les.