Ngemuva kwaZamcolo, emadvodzana aNowa kanye nebafati bawo baba nebantfwana labanyenti. Imindeni yabo yakhula futsi bacala kugcwala wonkhe umhlaba njengobe Jehova abebayalile.

Nome kunjalo, leminye yalemindeni ayizange imlalele Jehova. Yatsi: “Asitakheleni lidolobha nembhoshongo lofika emazulwini, futsi asitentele ligama kuze singasakateki kuwo wonkhe umhlaba.”

 Jehova akajabulanga ngalesento sabo, ngako wabayekelisa. Uyati kutsi wakwenta njani loko? Ngekushesha wabenta bakhuluma tilwimi letingafani. Ngenca yekutsi bebangasevani, babese bayayekela kwakha. Lombhoshongo bebawakha wagcine sewatiwa ngekutsi yiBhabhele, lokusho kutsi “Kusangana.” Bantfu bacala kusakateka bagcwala wonkhe umhlaba. Kodvwa bachubeka nekwenta tintfo letimbi lapho bebahlala khona. Bebasekhona yini bantfu labebasamtsandza Jehova? Imphendvulo sitayitfola esehlukweni lesilandzelako.