Nilyakayinda Zambangulwe, bana baNowa bakazooba abana biingi. Bakavula zyakuti bakakkala mumasena asiyene-siyene munyika yoonse mbuli Jehova mbaakababuzizye.

Pesi bamwi teebakamuswiilila pe Jehova. Bakaamba kuti: ‘Atuyake muunzi ang’anda ndamfu iisika kujulu alimwi tukkale kuti tube ampuwo.’

Teezyakamubotela pe Jehova zintu nzibakachita bantu aabo, mpawo wayeeya kuti abayimikizye kuyaka.  Ulizi na kuti wakachita biyeni? Wakachita kuti baambuule milaka iisiyene. Bakaleka kuyaka nkaambo teebakachili kumvwanana nzibakali kwaambuula. Muunzi ngubakali kuyaka wakategwa muunzi waBbabbelo, chaamba “Kunyongana.” Bantu bakatalika kulonga akuyookkala mumasena asiyene-siyene munyika yoonse. Kufumbwa nkubakaakukkala bakiinkilila kunembo kabachita zintu zibi. Bakaliwo na bamwi bantu bakali kuyanda Jehova?Tuyoozyiiya muchiiyo chitobela.