Tsaʼan ja bʼa Bʼutʼ Jaʼ, ja yuntikil ja Noé soka xcheʼume ajyi jitsan yuntikile. Kʼi ja spamilyaʼe sok wajye kulan bʼa tuktukil lugar ja bʼa luʼum, jastalni yalunej ja Jyoba.

Pe jujuntik pamilya mi ajyiye kʼuʼabʼal soka Jyoba. Yalawe: «La kankotikik ili, sok la jkʼuluktikik jun chonabʼ sok jun chaʼanil naʼits bʼa a-staʼ kʼot ja satkʼinali. Jachuk jel oj najuk jbʼajtik».

 Ja Jyoba mini skʼulan gusto ja jas skʼulane, ja yuj ya kʼotuk tekʼan. ¿Wan maʼ xa naʼa jasa skʼulani? Junta chʼaykʼujol yaʼakan akʼumanuke tuktukil kʼumal. Ja ixuk winiki ya sbʼiʼiluk ja chonabʼ jaw Babel, bʼa wa stojolan «jom olom». Yuja mixa xyabʼ sbʼaje stojolil, yawe kʼot tekʼan ja aʼteli sok kʼe wajuke bʼa tuktukil lugar ja bʼa luʼumi. Pe mini yawekan skʼulajel ja jastik mi lekuk ja bʼa wajyeʼi. ¿Ayto maʼ junuk ja maʼ wanto syajtay ja Jyoba? ¿Jas la chi? Ti oj kiltik bʼa kapitulo jakum.