Суг халавының соонда Нойнуң оолдары болгаш оларның кадайлары хөй ажы-төлдүг апарган. Ол өг-бүлелер өзүп-көвүдеп, Иегованың айытканы олчаан чер кырынга тарап эгелээн.

Ынчалза-даа чамдык өг-бүлелер Иеговага дыңнангыр болбаан. Олар: «Маңаа артып калгаш, хоорайдан тудуп аалыңар! Бис өрү дээрге чедип турар эң-не бедик суурганы кылып алыр бис. Ынчан алдарлыг апаар бис!» — дижип турган.

 Оларның бодап алган чүүлү Иегованың сеткилинге кирбээн. Ынчангаш Бурган ону соксадыр дээн. Канчаар? Билир сен бе? Бурган оларны аңгы-аңгы дылдарга чугааланыр кылыпкан. Кижилер бот-боттарын билчип чадап кааш, тудуун соксаткан. Оларның тудуп турган хоорайы сөөлүнде Вавилон деп билдингир апарган. Ооң утказын «холуп каан» дээр. Кижилер аңгы-аңгы черлерже көжүп эгелээн. Ынчалза-даа олар аңаа-даа багай ажыл-херекти кылырын уламчылаан. Иеговага ынак оода-ла чаңгыс кижи турган бе? Ону дараазында эгеден билип алыр бис.