Te kʼalal kʼaxemix-a te Pulemale, te snichʼnab te Noé la sta bayal yal snichʼnabik. Pʼol te sfamiliaik sok bajtʼik ta nainel ta yanyantik lumkʼinal, jich bitʼil la yichʼik albeyel ta mantal yuʼun te Jehovae.

Pero ay chaʼoxchajp familiaetik te maba la schʼuunbeyik skʼop te Jehová. La yalik: “Jilukotik liʼ ini, jpastik jpam lum sok jun tsʼajkʼ te ya xkʼot ta chʼulchan te stoyolile. Jich mukʼ jkʼoplaltik ya xkʼootik-a”.

 Te Jehová maba la smulan te bin yakik ta spasele, jaʼ yuʼun la skombey te yaʼtelike. ¿Yabal anaʼ bin-utʼil la spas? Jaʼ te bitʼil ajkʼnax la yakʼ kʼopojuk ta yanyantik kʼopiletik te ants winiketike. Te ants winiketik la sbiilintesik Babel te ya skʼan ya yal te maba la yaʼiybey sbaikix te skʼopike. Jich bitʼil maba la yaʼiybey sbaikix te skʼopike, la skom te yaʼtelike sok kajik ta yijkʼitayel te lum-abi jich bajtʼik ta nainel ta yanyantik lumkʼinal. Pero la spasikxan te bintik chopol te banti bajtʼik ta nainele. ¿Yabal akuy te ayto machʼa kʼux ta yoʼtan te Jehová ta kʼajkʼal-abi? Ya kiltik ta yan kapitulo.