Fuo Ime Akangbii, awiri Noa na adiayo abatika dungu agude. Gayo aborokporo ange, na ki tona ka gbataka ku rogo gu kura papara kpotosende, kina wai Yekova apehe fuyo i mangihe.

Ono gu kura aborokporo aagianga sangba Yekova te. I aya: ‘Ani dua gbata ka raka rogoho. Ani nika dua gbanga  bambu riihe nika da kina boro ku ngbangbaturũ yo. Si nika sa rimorani si wo gbe.’

Yekova aadunga na ngbarago na gupai agu aboro re aamangaha te, sidu, ko adiberã tipa ka za yo ti ni. Mo ini gupai ko amangihe? Ko asayo i tona ka pe afugo ni bakiakia. Fuo si da nga i agianga tiyo berewe te, i ambu dua gu bambu re. Rimo gu bambu i aaduaha re angia Babera, du rogoho yo nga “Vunduvundupai.” Aboro atona ka gbandaka rogo kpotosende dunduko. Ono i aamanga gbegberẽ apai kindi rogo agu aba i aaraka rogoho. Ya mo boro aduho naakpinyemu Yekova kindi? Ani nika bihe rogo gu kapita ngbefuo gere..