ДӘРС 8
Ибраһим пејғәмбәр вә арвады Сара Аллаһын сөзүнә итаәт едир
Бабил шәһәриндән елә дә узагда олмајан Ур шәһәринин сакинләри Јеһоваја јох, чохлу бүтләрә ибадәт едир. Анҹаг бу шәһәрдә јалныз бир нәфәр Јеһова Аллаһы севир. Онун ады Ибраһимдир.
Јеһова Аллаһ Ибраһимә дејир: «Евини вә гоһумларыны тәрк едиб, сәнә ҝөстәрәҹәјим јерә ҝет». Сонра Аллаһ сөз верир: «Сәндән бөјүк милләт төрәјәҹәк. Сәнин васитәнлә бүтүн халглара хејирхаһлыг едәҹәјәм».
Ибраһим Јеһованын ону һара ҝөндәрдијини билмир, анҹаг Она ҝүвәнир. Буна ҝөрә дә Ибраһим, арвады Сара, атасы Тарих вә гардашы оғлу Лут Аллаһын бујруғуна әмәл едир, әшјаларыны топлајараг узун сәфәрә чыхырлар.
Ибраһим Јеһованын дедији јерә ҝәлиб чатанда 75 јашында иди. Һәмин јер Кәнан торпағы адланыр. Орада Аллаһ Ибраһимлә данышыб она сөз верир: «Ҝөрдүјүн бүтүн бу торпаглары сәнин өвладларына верәҹәјәм». Анҹаг Ибраһим вә Сара јашлы олурлар. Һәм дә ки, онларын ушағы јохдур. Бәс онда Јеһова вердији сөзү неҹә јеринә јетирәҹәк?
«Ибраһим, иманы сајәсиндә... итаәт едиб мирас алаҹағы торпаға јолланды. О, һара ҝетдијини билмәсә дә, јола дүшдү» (Ибраниләрә 11:8)
You May Also Like
ТОПЛА ВӘ ӨЈРӘН
Мүгәддәс Китабдан Ибраһим пејғәмбәр һаггында вәрәгә
Нәјә ҝөрә Ибраһим пејғәмбәр Јеһова Аллаһын досту адланыр? Буну билмәк истәјирсәнсә, бу вәрәгәни чап ет.
МҮГӘДДӘС КИТАБ БИЗӘ ҺАНСЫ ХӘБӘРИ ЧАТДЫРЫР?
Аллаһ Ибраһимлә әһд бағлајыр
Ибраһим нә үчүн Кәнан дијарына көчүр? Јеһова Ибраһимлә һансы әһди бағлајыр?
