PARSIAJARAN 8
Si Abraham dohot Si Sara Mangoloi Debata
Di jonok ni kota Babel, adong ma sada kota na digoari kota Ur. Ndang manomba Jahowa angka halak disi. Alai adong do sahalak baoa disi na manomba Jahowa. Goarna si Abraham.
Didok Jahowa ma tu si Abraham, ‘Tinggalhon ma huta on dohot tondongmu. Borhat ma ho tu tano na naeng hupatudu tu ho.’ Dung i marjanji ma Jahowa tu ibana, ‘Gabe bangso na balga ma ho. Pasu-pasuonku ma sude bangso di tano on alani ho.’
Ndang diboto si Abraham dope tudia ibana disuru. Nang pe songon i, porsea do ibana tu Jahowa. Borhat ma nasida, diboan ma istrina si Sara, bapakna si Tara dohot si Lot anak ni abangna.
Nunga 75 taon umur ni si Abraham tingki sahat nasida di tano na dijanjihon Jahowa. Digoari ma i tano Kanaan. Disi ma Debata marjanji tu si Abraham. Didok ma, ‘Sude tano on laho lehononku ma tu ianakhonmu.’ Nunga matua si Abraham dohot si Sara, alai ndang adong dope anak ni nasida. Songon dia do Jahowa pasauthon janjina i?
“Alani haporseaon do umbahen na mangoloi si Abraham, . . . borhat tu inganan na laho silehonon ni Debata tu ibana. Ditadingkon ibana do hutana nang pe ndang diboto dope manang tu dia ibana laho.”—Heber 11:8
Mungkin Lomo do Rohamuna Mamboto
BIBEL—AHA DO ISINA?
Debata Marpadan tu si Abraham
Boasa pinda si Abraham tu Tano Kanaan? Aha do padan ni Jahowa tu si Abraham?
