ÑYE’ELAN 8
Abraham ba Sara be nga bo Zambe mewôk
Nlam éziñ ô mbe fefele Babel be loone wô na Our; bôte ya wôé be mbe be kañe abui bezambe. Ve môt éziñ ya nlam ôte a mbe a kañe ve Yéhôva étam. Jôé dé é mbe Abraham.
Yéhôva a nga jô Abraham na: ‘Kôlô’ô nda jôé, li’i bivuvumane biôé, a kele’e nlame ma ye liti wo.’ A nga ka’ale fe nye na: ‘Wo ye bo beta ayoñ, a m’aye botane bôte bese ya si a zene jôé.’
Abraham a nji be a yeme’e vôme Yéhôva a mbe a yi na a ke, ve a mbe a to Yéhôva ndi. Nde Abraham, minga wé Sara, ésa wé Térach, a mone monyañ a nga lik, Lot, be nga ka’a mimbe’e miap, a taté dulu avale Yéhôva a nga jô.
a nga bo aya asu na ngaka’a éte é tôéban?
Abraham a mbe a bili mimbu 75 éyoñe be nga kui tisone Yéhôva a nga liti be. Be mbe be loone tison éte na Canaan. Éyoñe be kuiya Canaan, Yéhôva a nga ka’ale Abraham jame di: ‘M’aye ve bone bôé tison ése ô lôô nyi.’ Ve Abraham ba Sara be mbe be nto minnôm, a be nji be be bili bon. Nde Yéhôva“Amu mbunan, Abraham . . . a nga bo mewô’ô ya kôlô a ke mfa’a ya vôm a ye nyoñ ane ngap; ane a nga kôlô a ke, te yem mfa’a a nga ke.”—Behébreu 11:8