GĨCUNJĨ GĨA 8
Iburahimu na Sara nĩ Maathĩkĩire Ngai
Nĩ kwarĩ na taũni yetagwo Uru hakuhĩ na itũũra rĩa Babeli, na andũ aingĩ a kũu maathathayagia ngai nyingĩ handũ ha Jehova. No nĩ kwarĩ mũndũ ũmwe wathathayagia Jehova taũni-inĩ ĩyo ya Uru, na eetagwo Iburahimu.
Jehova eerire Iburahimu ũũ: ‘Tiga mũciĩ waku na andũ anyu, ũthiĩ bũrũri ũrĩa ngũkuonia.’ Ngai aacokire akĩmwĩra: ‘Nĩ ũgaatuĩka rũrĩrĩ rũnene, na nĩngekĩra andũ aingĩ maũndũ mega thĩinĩ wa thĩ yothe nĩ ũndũ waku.’
Iburahimu ndaamenyaga kũrĩa Jehova eendaga athiĩ, no nĩ aamwĩhokire. Marĩ hamwe na mũtumia wake Sara, Ithe wao Tera, na mũndũ ũmwe wa famĩlĩ yao wetagwo Loti, nĩ maabangire indo ciao na makĩambĩrĩria thabarĩ.
Iburahimu aarĩ na mĩaka 75 rĩrĩa maakinyire na famĩlĩ yake bũrũri-inĩ ũrĩa Jehova aamwĩrĩire. Bũrũri ũcio wetagwo Kanaani. Arĩ kũu, Ngai nĩ amwarĩirie na akĩmwĩra ũũ: ‘Bũrũri ũyũ wothe ũrona ũkũrigicĩirie nĩ ngaũhe ciana ciaku.’ Ĩndĩ Iburahimu na Sara maarĩ akũrũ na matiarĩ na ciana. Nĩ ũndũ ũcio-rĩ, Jehova angĩahingirie kĩĩranĩro kĩu atĩa?
“Nĩ ũndũ wa wĩtĩkio, . . . Iburahimu . . . nĩ aathĩkire na njĩra ya gũthiĩ kũrĩa angĩaheirũo gũtuĩke igai rĩake; o na gũtuĩka ndaamenyaga kũrĩa aathiaga, nĩ oimagarire.”—Ahibirania 11:8
Icunjĩ Ingĩ Hihi Ũngĩenda Gũthoma
KANDI CIA BIBILIA
Kandi ya Bibilia ya Iburahimu
Menya kĩrĩa gĩatũmaga Iburahimu etwo mũrata wa Jehova? Caba, ũmĩrengerere, na ũige wega kandi ĩno ya Bibilia.
