XNAQʼTZBʼIL 8
Bʼin Abrahán ex Sara te Dios
Nqayin ttxlaj Babel attoq juntl tnam, aju Ur tbʼi. Aʼyeqe xjal te tnam lu mintiʼtoq in che kʼulen te Jehová, oʼkx in che kʼulintoq kye txqantl dios. Noqtzun tuʼnj, attoq jun xjal toj tnam Ur aju in najbʼentoq te Jehová, Abrahán tbʼi.
Xi tqʼamaʼn Jehová jlu te Abrahán: «Qʼonkj tjaya ex qe toj tjaya, ex txiʼya toj txʼotxʼ kxel nyekʼune teya». Ex xi ttziyen Dios jlu te: «Tiʼja kbʼel nbʼinchaʼne jun matij tnam. Ax ikx kajbʼela wuʼne tuʼn tbʼant tiʼchaq tbʼanel kye xjal te tkyaqil twitz txʼotxʼ».
Mintiʼtoq ojtzqiʼn tuʼn Abrahán jatumel kxel samaʼn tuʼn Jehová, noqtzun tuʼnj, qʼuqlitoq tkʼuʼj tiʼj. Xi tbʼiʼn Abrahán; Sara, aju t-xuʼjil, Taré, aju ttat ex Lot, aju tsobrin aju tzaj tqʼamaʼn Jehová kye. Bʼaj kybʼinchaʼn kyten ex e ikʼ bʼet tuʼn kyxiʼ toj jun kybʼe najchaq, moqa laqʼche.
Otoq japun Abrahán twi 75 abʼqʼi tej kypon kyukʼex toj tja atz toj txʼotxʼ aju tajtoq Jehová tuʼn tok kykeʼyin. Canaán tbʼi lugar lu. Atztzun xi ttziyen Jehová jlu te: «Atzun txʼotxʼ jlu kxel nqʼoʼne kye tkʼwaʼla». Noqtzun tuʼnj, otoq che tijen ex mintiʼtoq kykʼwaʼl. Kyjuʼtzun, ¿alkyetoq tten kjapunel tuʼn Jehová aju otoq tzaj ttziyen?
«Tuʼnju at tokslabʼl Abraham xi tniman ju txokbʼil te tuʼn Dios tuʼn tetz tuj ttanmi, tuʼn tpon tuj jun lugar jatum tuʼn tkʼmonte jun tetzbʼil. Etztzun mintiʼ bʼaʼn tuʼn jatum tuʼn tpon» (Hebreos 11:8).
Bʼalo ax ikx tgana jlu
¿ALKYE TQANIL TKUʼX TOJ TYOL DIOS?
Kyaj bʼant tiʼj jun yol tuʼn Dios tukʼil Abrahán
¿Tiquʼn xiʼ Abrahán anqʼil toj tnam Canaán? ¿Alkye yol kyaj bʼant tiʼj tuʼn Dios tukʼil Abrahán?
