TLAMACHTIL 8
Abrahán uan Sara okitlakamatkej toTajtsin Dios
Ik altepetl Babel, okatka se altepetl tlen omotokayotiaya Ur. Ompa amo okiueyichiuayaj Jehová, okinueyichiuayaj oksekimej dioses. Pero ompa ochantiaya se tlakatl tlen omotokayotiaya Abrahán, ye okiueyichiuaya Jehová.
Jehová okilui Abrahán: “Xikkajteua mokalijtik uan mokalchanejkauan uan xio itech altepetl tlen nimitsititis”. Jehová noijki okilui: “Tiyetos se ueyi altepetl. Uan ika te, nikinteochiuas nochtin tlaltikpaktlakamej”.
Abrahán amo okimatiaya kanin yaskia, pero otlaneltokaya itech Jehová. Abrahán iuan isiua tlen omotokayotiaya Sara, noijki itajtsin tlen omotokayotiaya Taré uan isobrino tlen omotokayotiaya Lot okitlakamatkej toTajtsin Dios. Omotlayektlalilijkej uan oyajkej.
Abrahán okipiaya 75 xiuitl ijkuak ye uan ikalchanejkauan oajsitoj itech tlali tlen Jehová okinekiaya ma kitakan. Non tlali omotokayotiaya Canaán. Ompa Jehová okilui Abrahán: “Nochi nin altepetl tlen tikita, nikinmakas mokoneuan”. Pero Abrahán uan Sara yokipiayaj miak xiuitl uan amo okipiayaj nion se inkone. Ik non, ¿ken kichiuaskia Jehová tlen okijto?
“Por itlaneltokalis Abraham, ijkuak Dios okínotski, ye okitlakitak iwa oyá kan se tlali non Dios kiaxkatiliskia. Abraham okikakajte itlal iwa amo okimatia kan oyaya” (Hebreos 11:8).
Xamo noijki mitspaktis
BIBLIA ¿TLEN TECHILUIA?
ToTajtsin Dios kichiua se tlajtolsenkaualis inauak Abrahán
¿Tleka Abrahán ochantito Canaán? ¿Tlen tlajtolsenkaualis okichi toTajtsin Dios iuan Abrahán?
