OSHIILONGOMWA 8
Abraham naSara oya vulika kuKalunga
Popepi naBabel opwa li oshilando hashi ithanwa Ur, moka mwa li aantu haya longele iikalunga oyindji peha lyokulongela Jehova. MuUr omwa li omulumentu gumwe ngoka ha longele Jehova. Edhina lye oAbraham.
Jehova okwa lombwele Abraham a ti: ‘Za mo mezimo lyoye nomegumbo lyoye, wu ye kevi ndyoka tandi ke li ku ulukila.’ Kalunga oku uvanekele Abraham a ti: ‘Otandi ke ku ninga oshigwana oshinene. Omungoye iigwana ayihe tayi ka lalekwa nuuyamba.’
Abraham ka li e shi kutya Jehova ote mu tumine peni, ihe nonando ongawo, okwa li i inekela muYe. Onkee ano, Abraham, omukulukadhi gwe Sara, he Tera nosho wo omwanagona Lot, oya longele iinima yawo e taya yi molweendo olule.
Abraham okwa li e na omimvo 75, sho ye nuukwanegumbo we ya thiki koshilando hoka Jehova a li a hala ya ye. Oshilando shoka osha li hashi ithanwa Kaanan. Kalunga okwa popi naAbraham hoka nokwe mu uvanekele a ti: ‘Oshilongo ashihe shoka wa tala otandi ke shi pa oluvalo lwoye.’ Abraham naSara oya li ya kulupa nokaya li ye na aanona. Mbela euvaneko lyaJehova olya li tali ka gwanithwa ngiini?
‘Eitaalo olyo lya longitha Abraham a vulike, sho a tembukile koshilongo shoka Kalunga u uvaneke oku mu pa. Okwa tembuka mo moshilongo shaandjawo, ye ina tseya mpoka ta yi.’ — Aahebeli 11:8
Opu na ishewe uuyelele mbuka
OMBIIMBELI OYI NA ETUMWALAKA LINI?
Kalunga okwa li a ningi ehangano naAbraham
Omolwashike Abraham a tembukile kuKaanana? Jehova okwa ningi ehangano lyashike naAbraham?
