TLAMACHTIJLI 8
Abrahán iuan Sara okitlakamatkej toTajtsin
Nisiuj itech Babel onkatka se ueyikalpan itoka katka Ur, ompa xkiueyichiuayaj Jehová, kinueyichiuayaj miyekej tajtsitsintin. San ika, nemiya se tlakatl ipan Ur akin san Jehová kiueyichiuaya. Itoka katka Abrahán.
Jehová okijli Abrahán: “Xkaua mochan iuan mochanejkauan niman xuiya kampa nimitsititis”. Noijki okijli: “Timochiuas se ueyikalpan, niman nikinmakas tlen kuajli miyekej tlaltikpakchanejkej ipan nochi tlaltikpaktli mopampa”.
Abrahán xkimatiya kanon kititlantoya Jehová, san ika, tlaneltokaya itech. Abrahán; isiuauj, Sara; Taré akin itaj niman isobrino Lot okitlakamatkej Jehová ijkuak okiyektlalijkej tlen kipiayaj niman opeuj yauej uejka.
kichiuaskia Jehová tlen yokijtoka?
Abrahán kipiaya 75 xiuitl ijkuak yejua niman ichanejkauan oajsikej kampa toTajtsin kinekiya. Itoka katka Canaán. Ompa toTajtsin okinots Abrahán niman okijli: “Nochi yejuin tlajli tlen tikita moyeualiyan, nikinmakas mokoneuan”. San ika, Abrahán iuan Sara melak iuejueyimej katkaj niman xkipiayaj nion se inkoneuj. ¿Kenon“Ipampa on itlaneltok, Abraham okitlakamat Dios [...] para yas ne tetlalpan kampa okitlalij ipan ipromesa kimakas ken herencia. Yejua okis ne kampa chantiya niman oyaj, maski xkimatiya kanon yaya” (Hebreos 11:8).