ROSO 8
Abirihaaminna Saara Maganoho Hajajamino
Baabeeli yinanni katami mule Uuri yinanni katami no; hakko heeˈranno manni Yihowa dimagansiˈrannoho; insa wole haammata maganna magansidhanno. Kayinni Uuri katami giddo Yihowa calla magansiˈrannohu mittu manchi no. Konni manchi suˈmi Abirihaamiiti.
Yihowa Abirihaami togo yiino: “Gobbakki agurte, fiixikkinna ayiddikkiwiinni baxxite, ani leellisheemmohe gobba haˈri.” Hakkiinni Maganu togo yiisi: ‘Lowo gosa asse maassiˈreemmohe; qoleno baattote aana heedhanno daga baalanti ate widoonni higge maassantanno.’
Abirihaami Yihowa mamira soyannosiro diafino; ikkirono isi Yihowa ammanino. Konni daafira Abirihaami, galtesi Saara, annisi Taaranna rodiisi beetti Looxi noonsare adhite Yihowa hadhe yiinonsawa hadhino.
yiinori woˈmanno gede assa dandaannohu hiittoonniiti?
Abirihaaminna maatesi Yihowa hadhe yiinonsa gobba iillitu yannara Abiraamira 75 diro ikke noosi. Hattee gobba Kanaani yinanni. Hakko martinowa Maganu togo yee Abirihaamira qaale eino: “Tenne baatto sirchikkira eemmo.” Ikkollana, Abirihaaminna Saara hatte yannara geedhino; konni daafira ooso ila didandaanno. Ikkina Yihowa‘Abirihaami Maganu eemmohe yiino gobba afa hoogirono, haˈrate hajajame fulinohu ammanatenniiti.’—Ibiraawoota 11:8