THUTO EA 8
Abrahama le Sara ba Ile ba Mamela Molimo
Haufi le Babele ho ne ho e-na le motse o bitsoang Ure ’me batho ba moo ba ne ba sa rapele Jehova, empa ba rapela melimo e meng. Hona motseng oo, ho ne ho e-na le monna ea neng a rapela Jehova. Lebitso la hae ke Abrahama.
Jehova o ile a re ho Abrahama: ‘Tloha motseng oa heno, le ho batho ba heno, u ee naheng eo ke tla u bontša eona.’ Eaba Molimo o re ho eena: ‘U tla fetoha sechaba se seholo, ke tla etsetsa batho bohle lintho tse ntle ka lebaka la hao.’
Abrahama o ne a sa tsebe hore na Jehova o mo roma hokae, empa o ne a mo tšepa. Eaba Abrahama, mosali oa hae Sara, ntate oa hae Tera le Lota, ba mamela taelo ea Jehova ’me ba phutha lintho tsohle tsa bona ba kena tseleng.
Abrahama o ne a le lilemo li 75 ha eena le ba lelapa la hae ba fihla naheng eo Jehova a ba tšepisitseng eona. Naha eo e bitsoa Kanana. Ha ba le moo Molimo o ile a tšepisa Abrahama a re: ‘Naha ena eohle eo u e bonang ke tla e fa bana ba hao.’ Empa Abrahama le Sara ba ne ba se ba tsofetse ’me ba se na bana. Joale Jehova o ne a tla phethahatsa tšepiso ee joang?
“Ka tumelo Abrahama . . . o ile a mamela ka hore a tsoe ho ea kena sebakeng seo a neng a reretsoe ho se amohela e le lefa; o ile a tsoa, le hoja a ne a sa tsebe moo a neng a e-ea teng.”—Baheberu 11:8
Mohlomong u ka Rata le
Litšoantšo Tse ka Torouoang
Re ka Ithuta’ng ho Abrahama?
Abrahama o ile a bontša batho ba bang mosa joang? Fumana karabo ka ho kopitsa leqephe lena le lokelang ho takoa le ka ho bala pale ena ea Bibele.
Likarete Tsa Bibele
Abrahama Karete ea Bibele
Ithute hore na ke hobane’ng ha Abrahama a ne a bitsoa motsoalle oa Molimo. Printa, u sehe ’me u boloke karete ena ea Bibele.
