SOMO LA 8
Abrahamu na Sara Walimtii Mungu
Jiji la Uru lilikuwa jirani na mji wa Babeli, ambako watu waliabudu miungu mingine tofauti na Yehova. Lakini kulikuwa na mwanamume mmoja aliyeishi katika jiji la Uru, ambaye alimwabudu Yehova pekee. Mwanamume huyo aliitwa Abrahamu.
Yehova alimwambia Abrahamu hivi: ‘Nenda utoke katika nchi yako na kutoka kwa watu wa jamaa yako, mpaka katika nchi ambayo nitakuonyesha.’ Kisha Mungu akamwahidi hivi: ‘Nami nitakufanya uwe taifa kubwa, nitawafanyia watu mambo mazuri katika dunia yote kwa sababu yako.’
Ingawa Abrahamu hakujua mahali alikokuwa akienda, alimtumaini Yehova. Kwa hiyo Abrahamu na Sara mke wake, Tera baba yao, na Loti mpwa wao walitii, wakachukua mizigo na kuanza safari ndefu.
Abrahamu alikuwa na umri wa miaka 75, wakati yeye na familia yake walipofika katika nchi ambayo Yehova alitaka kuwaonyesha. Nchi hiyo iliitwa Kanaani. Mungu alizungumza na Abrahamu na kumwahidi hivi: ‘Nitaupa uzao wako nchi hii.’ Lakini Abrahamu na Sara walikuwa wazee sana na hawakuwa na mtoto. Kwa hiyo Yehova angetimiza ahadi hiyo jinsi gani?
“Kwa imani, Abrahamu . . . alitii kwa kutoka na kwenda mahali ambapo angepokea kuwa urithi; aliondoka, ingawa hakujua mahali alipokuwa akienda.”—Waebrania 11:8
Huenda Ukapenda Pia
MAZOEZI YA PICHA
Tunaweza Kujifunza Nini Kutoka kwa Abrahamu?
Abrahamu aliwaonyeshaje wengine fadhili? Pata jibu kwa kupakua mazoezi haya ya picha na kusoma hadithi hii ya Biblia.
KADI ZA WAHUSIKA KATIKA BIBLIA
Kadi ya Biblia ya Abrahamu
Jifunze ni nini kilichofanya Abrahamu aitwe rafiki ya Yehova. Chapisha, kata, na uhifadhi kadi hii ya Biblia.
BIBLIA—INA UJUMBE GANI?
Mungu Afanya Agano na Abrahamu
Kwa nini Abrahamu alihamia Kanaani? Yehova alifanya agano gani na Abrahamu?
