THUTO 8
Aborahame le Sara Ba ne Ba Ikobela Modimo
Motse wa Ure o ne o le gaufi le Babele mme batho ba one ba ne ba obamela medimo e mengwe, e seng Jehofa. Mme mo motseng oo, go ne go na le monna mongwe yo o neng a obamela Jehofa. O ne a bidiwa Aborahame.
Jehofa o ne a raya Aborahame a re: ‘Tswa mo motseng wa gago mme o tlogele ba losika o ye kwa nageng e ke tla go bontshang yone.’ Mme Modimo o ne a mo solofetsa jaana: ‘O tla nna setšhaba se segolo e bile ke tla direla batho ba le bantsi dilo tse di molemo ka ntlha ya gago.’
Aborahame o ne a sa itse gore Jehofa o tla mo romela kae, mme o ne a tshepa Jehofa. Ka jalo, Aborahame, mosadi wa gagwe e bong Sara, rragwe e bong Tera le setlogolo sa gagwe e bong Lote, ba ne ba reetsa Modimo ba bo ba tsaya dilwana tsa bone ba simolola loeto lo loleele.
Aborahame o ne a na le dingwaga di le 75 fa ene le lelapa la gagwe ba goroga kwa lefatsheng le Jehofa a neng a batla gore ba ye kwa go lone. Lefatshe leo le ne le bidiwa Kanana. Fa Aborahame a le koo, Modimo o ne a mo solofetsa jaana: ‘Lefatshe leno le o le bonang, ke tla le naya bana ba gago.’ Mme Aborahame le Sara ba ne ba tsofetse e bile ba se na bana. Jaanong Jehofa o ne a tla kgona jang go diragatsa tsholofetso ya gagwe?
“Ka tumelo Aborahame . . . o ne a ikoba ka go ya kwa lefelong le a neng a tla le newa e le boswa; o ne a tsamaya le fa gone a ne a sa itse kwa a yang teng.”—Bahebera 11:8
Tse Dingwe Tse O ka Di Kgatlhegelang
DITSHWANTSHO
Re ka Ithuta Eng mo go Aborahame?
Aborahame o ne a bontsha ba bangwe bopelonomi jang? Iponele seo ka go itseela setshwantsho seno le go bala polelo ya Baebele.
DIKARATA TSA BATHO BA MO BAEBELENG
Karata ya Baebele ya Aborahame
Ithute gore ke eng fa Aborahame a ne a bidiwa tsala ya ga Jehofa. Printa, segolola mme o boloke karata eno ya Baebele.
BAEBELE—E NA LE MOLAETSA OFE?
Modimo o Dira Kgolagano le Aborahame
Ke eng fa Aborahame a ne a fudugela kwa Kanana? Jehofa o ne a dira kgolagano efe le Aborahame?
