КИЧЭЭЛ 8
Авраам биле Сарра Бурганга дыңнангыр чораан
Вавилондан ырак эвесте Ур деп хоорай турган. Ол хоорайның чурттакчылары аңгы-аңгы бурганнарга чүдүп чораан. Ынчалза-даа аңаа чүгле Иеговага бараалгаар кижи чурттап турган. Ооң ады Авраам.
Иегова Авраамга: «Бажыңыңны болгаш дөргүл-төрелиңни каггаш, мээң айыткан черимче чорувут» — дээн. Оон Бурган аңаа: «Сенден улуг чон тыптыр база сен дээш хөй чоннарга эки чүүлдү кылыр мен» — деп аазаан.
Авраам кайнаар баарын билбес-даа болза, Иеговага бүзүреп турган. Ынчангаш Авраам, ооң кадайы Сарра, ачазы Фарра база
чээни Лот хамык эт-хөреңгизин чыып алгаш, ырак орукче үнүпкеннер.Авраам 75 харлыг тургаш, Иегованың аазаан черинге чедип келген. Ол черни Ханаан дээр. Иегова Авраамга: «Бо көрүп турар бүгү черни сээң ажы-төлүңге бээр мен» — деп аазаан. Ынчалза-даа Авраам биле Сарра кырган турган, а оларның ажы-төлү чок. Ынчаарга Иегова аазаашкынын канчаар күүседирил?
«Бүзүрели-биле Авраам, өнчүге алыр ужурлуг турганы черже... кайнаар бар чоруурун боду безин билбес-даа бол, дыңнангыр чоруп каан» (Еврейлерге 11:8)