Ocipepi Lombavele kua kala olupale lumue lu tukuiwa hati, Uri. Volupale luaco, omanu va enda oku fendela olosuku vialua okuti, Yehova hayeko. Pole, volupale luaco luo Uri, mua kala ulume umue wa enda oku fendela lika Yehova. Ulume waco onduko yaye, Avirahama.

Yehova wa sapuila Avirahama hati: ‘Tunda vofeka yene, lo kuvangandiove, kuende toke kofeka ndu ku lekisa.’ Noke Suku wo likuminya hati: ‘Hu lingisa ofeka yinene kuenda ndi laika oku linga ovina viwa komanu vo kolofeka viosi mekonda liove.’

Avirahama ka kũlĩhĩle ocitumãlo Yehova a kala oku u tuma, pole, eye wa kolelele Yehova. Avirahama lukãi waye Sara kuenda Isiaye Terahi locimumba caye Lote, va longeka ovikuata viavo viosi kuenje lepokolo va linga ungende waco.

 Avirahama wa kala leci ci soka 75 kanyamo eci eye kumue lepata liaye va enda vofeka Yehova a yonguile oku va lekisa. Ofeka yaco ya tukuiwa hati, o Kanana. Vofeka yaco Yehova wa sapela la Avirahama poku linga ohuminyo yokuti: ‘Ofeka o lete ndeti ndi yeca kocitumbulukila cove.’ Yehova wa tẽlisa ndati ohuminyo yaco??