NGUDO 8
Abrahamu Na Sara Vho Thetshelesa Mudzimu
Tsini na Babele ho vha hu na muḓi wa Uri, he vhathu vha hone vha vha vha tshi rabela midzimu minzhi nga nnḓa ha Yehova. Fhedzi ho vha hu na munna henefho Uri we a vha a tshi rabela Yehova fhedzi. Dzina ḽawe ndi Abrahamu.
Yehova o ri kha Abrahamu: ‘Ṱutshelani muḓi wa haṋu na mashaka aṋu, nahone ni ye shangoni ḽine nda ḓo ni sumbedza ḽone.’ Mudzimu a dovha a mu fulufhedzisa uri: ‘Ni ḓo vha lushaka luhulu nahone ndi ḓo itela vhathu vhanzhi zwivhuya ḽifhasini ḽoṱhe nga ṅwambo waṋu.’
Abrahamu o vha sa ḓivhi uri Yehova u khou mu i sa ngafhi, fhedzi o fulufhela Yehova. Nga zwenezwo, Abrahamu, mufumakadzi wawe Sara, khotsi awe Thara na ṅwana wa murathu wawe Loto vha paka thundu dzavho nahone nga u vha thetshelesa, vha fara lwendo lwavho lulapfu.
Abrahamu o vha e na miṅwaha ya 75 musi ene na muṱa wawe vha tshi swika shangoni ḽe Yehova a vha a tshi ṱoḓa uri vha ḽi vhone. Ḽo vha ḽi tshi vhidzwa shango ḽa Kanana. Henefho Mudzimu o amba na Abrahamu nahone a mu fulufhedzisa a ri: ‘Heḽi shango ḽoṱhe ḽine na khou ḽi vhona ndi ḓo ḽi ṋea vhana vhaṋu.’ Fhedzi Abrahamu na Sara vho vha vho no aluwa vhukuma nahone vho vha vhe si na vhana. Nga, zwenezwo, Yehova o vha a tshi ḓo ḓadzisa hani zwe a fulufhedzisa?
“Nga lutendo Abrahamu . . . o thetshelesa, a pfulutshela fhethu he a vha a tshi ḓo wana hone ifa; a pfuluwa, naho o vha a sa ḓivhi he a vha a tshi khou ya hone.”—Vhaheberu 11:8
You May Also Like
BIVHILI—I NA MULAEDZA UFHIO?
Mudzimu O Vhofha Mulanga Na Abrahamu
Ndi ngani Abrahamu o pfulutshela Kanana? Ndi mulanga ufhio we Yehova a u vhofha na Abrahamu?
