ISIFUNDO 8
UAbraham NoSara Bammamela UThixo
Kwakukho idolophu enkulu ebizwa ngokuba yiUre, eyayikufutshane naseBhabheli. Abantu balapho babekhonza oothixo abaninzi kodwa bengamkhonzi uYehova. Kodwa wayekhona umntu apho owayemkhonza yena uYehova. Igama lakhe yayinguAbraham.
UYehova wathi kuAbraham: ‘Hamba ezweni lakowenu ushiye nezalamane zakho, uye kwilizwe endiya kukubonisa lona.’ Emva koko uThixo wamthembisa oku: ‘Uza kuba luhlanga olukhulu, yaye ndiza kubenzela izinto ezintle abantu emhlabeni wonke ngenxa yakho.’
UAbraham wayengazi ukuba uYehova uthi makaye phi, kodwa wayemthembile. Ngoko yena, umfazi wakhe uSara, utata wakhe uTera nomtshana wakhe uLote, baqokelela izinto zabo baza bahamba.
UAbraham wayeneminyaka eyi-75 xa bafikayo kulaa ndawo uYehova wayethe mabaye kuyo. Loo ndawo kwakusithiwa kuseKanan. Apho ke uThixo waphinda wathembisa uAbraham oku: ‘Lonke eli lizwe ndiza kulinika abantwana bakho.’ UAbraham noSara babebadala kodwa bengenabo abantwana. UYehova wayeza kuyenza njani ke ngoku le nto wayeyithembisa?
“Ngokholo uAbraham . . . wathobela waphuma waya kwindawo awayemiselwe ukuyifumana njengelifa; waphuma, nangona wayengazi apho aya khona.”—Hebhere 11:8
Mhlawumbi Ungayithanda Nale
IMIFANEKISO
Yintoni Esinokuyifunda KuAbraham?
UAbraham wabubonisa njani ububele kwabanye? Impendulo uza kuyifumana ngokuzikhuphelela lo mfanekiso uze ufunde eli bali leBhayibhile.
AMAKHADI ABANTU ABASEBHAYIBHILENI
Ikhadi LeBhayibhile Lika-Abraham
Funda isizathu sokuba uAbraham abizwe ngokuba ngumhlobo kaYehova. Printa, usike uze ugcine eli khadi leBhayibhile.
IBHAYIBHILE—SITHINI ISIGIDIMI SAYO?
UThixo Wenza Umnqophiso NoAbraham
Kwakutheni ukuze uAbraham aye kuhlala eKanan? Nguwuphi umnqophiso uYehova awawenza noAbraham?
