LIJIGANYO 8
Abulahamu ni Sala Ŵapikanilaga Mlungu
Ciŵandika msinda wa Babele papali msinda wine wakolanjidwa kuti Uli. Kweleko ŵandu ŵajinji ŵalambilaga milungu jine ngaŵaga Yehofa. Nambo kwapali mundu jwine juŵalambilaga Yehofape. Lina lyakwe lyaliji Abulahamu.
Yehofa ŵamsalile Abulahamu kuti, ‘Mtyoce kumangwenu soni mwalece acalongo acimjenu, ni mjawule kucilambo cacinjimlanjila.’ Mlungu ŵamlagucisye kuti, ‘Cimciŵa mtundu wekulungwa, ni cinjatendela ŵandu ŵapacilambo cosope yindu yambone ligongo lya mmwejo.’
Abulahamu nganamanyililaga kuti Yehofa camtumisye kwapi, nambo ŵamkulupililaga. M’yoyo, Abulahamu, ŵamkwakwe Sala, babagwe Tela, soni cipwa cakwe Loti, ŵalongenye yindu yawo ni kuwutanda ulendo welewu.
yaŵamlagucisye Abulahamu yikwanilicikwe?
Abulahamu paŵakwete yaka 75, jwalakwe ni liŵasa lyakwe ŵakopocele kucilambo cele Yehofa ŵasakaga kuti acilole. Cilamboco cakolanjikwaga kuti Kanani. Pelepo Mlungu ŵamlagucisye kuti, ‘Cilambo cosope cimkuciwonaci cinjapa ŵanace ŵenu.’ Nambo Abulahamu ni Sala ŵaliji ali acekulwipe soni nganakola ŵanace. Ana Yehofa akatesile wuli kuti‘Mwacikulupi, Abulahamu . . . ŵapikanile ni kwawula kumalo kwele ŵajembeceyaga kugapocela mpela cipanje cakwe. Jwalakwe jwapite atamose nganamanyililaga kwakwawula.’—Ahebeli 11:8