ISIFUNDO 8
U-Abrahama NoSara Balalela UNkulunkulu
Eduze kwaseBhabhele, kwakunedolobha lase-Uri, elalinabantu ababengamkhonzi uJehova, babekhonza abanye onkulunkulu. Kodwa kulelo dolobha kwakunendoda eyayikhonza uJehova kuphela. Igama layo kwakungu-Abrahama.
UJehova wathi ku-Abrahama: ‘Shiya ikhaya lakho nezihlobo zakho, uye ezweni engizokubonisa lona.’ UNkulunkulu wabe esesho lesi sithembiso: ‘Uzoba isizwe esikhulu futhi ngizokwenzela abantu abaningi izinto ezinhle ngenxa yakho.’
U-Abrahama wayengazi ukuthi uyakuphi, kodwa wayethembele kuJehova. Ngakho u-Abrahama, umkakhe uSara, uyise uThera nomshana wakhe uLoti bapakisha izinto zabo, bathatha uhambo olude.
U-Abrahama wayeneminyaka engu-75 lapho ekugcineni yena nomndeni wakhe befika ezweni uJehova ayefuna balibone. Lalibizwa ngokuthi izwe laseKhanani. Lapho, uNkulunkulu wakhuluma no-Abrahama wabe esenza lesi sithembiso: ‘Lonke leli zwe olibonayo, ngizolinika izingane zakho.’ Kodwa u-Abrahama noSara babegugile futhi bengenayo ingane. UJehova wayezosigcwalisa kanjani leso sithembiso?
“Ngokholo u-Abrahama . . . walalela ngokuphuma aye endaweni ayezoyamukela njengefa; waphuma, nakuba ayengazi ukuthi uyaphi.”—Hebheru 11:8
Okunye Ongase Ukuthande
UKUFUNDA NGEZITHOMBE
Yini Esingayifunda Ku-Abrahama?
U-Abrahama wawubonisa kanjani umusa kwabanye? Thola impendulo ngokuzithathela lo msebenzi wokufunda ngezithombe nangokufunda indaba yeBhayibheli.
AMAKHADI ABALINGISWA ABASEBHAYIBHELINI
Ikhadi LeBhayibheli Lika-Abrahama
Funda ukuthi kungani u-Abrahama ayebizwa ngokuthi umngane kaJehova. Printa, usike bese ugcina leli khadi leBhayibheli.
IBHAYIBHELI
UNkulunkulu Wenza Isivumelwano No-Abrahama
Kungani u-Abrahama athuthela eKhanani? Yisiphi isivumelwano uNkulunkulu asenza no-Abrahama?
