Ebilaham nda Sela ndaa chal niŋ o nɔɔ niŋ le wɔsiŋ bɔɔbɔɔ. Ma mɛi chiɛi nda kɛndɛ kɛndɔɔ o lɛŋnde Ɔɔ leŋ niŋ, ma kɔ wa niŋ o tɛndiilaŋ niŋ. Kɛ Sela ŋɔɔchiaŋ a hei le, kanifuule ndoo tiindaŋ o Chɛhowa niŋ.

Sela ndoo yeema bɔɔ violɔɔ. Le hei, mbo dimul Ebilaham aa: ‘Te Hakaa buɛi nuu velu pɛ hɔɔ, mɛɛ le ya hɔɔ koŋ cho wa ni.’ Nyɔɔ viu bɛɛ le, mi Hakaa vialu wana pɔnɔɔ. Ma ke ndu diolaŋ aa Isimɛɛl.

Wɔsilaŋ hiouwɔɔ tau okoŋ kɔɔli, mi mialla a yaa huŋ nda yilɔɔ. Nduyɛ Ebilaham wa niŋ wɔsilaŋ 99, mi Sela wa wɔsilaŋ 89. Mi Ebilaham dimul nda le ma kɔ pɛŋgi o yɔmndo bɛŋgu, nduyɛ mbo ke nda nyɛdiaa. A sina pa wanaa suu ndaa hiŋ nda yilɔɔ wa? Maalikɛiya nda wa ni! Ma dimul Ebilaham aa: ‘Nyilasiaŋ a teleŋ waa nuaa, num nya laa num la cho wana pɔnɔɔ violɔɔ.’ Sela wa o tɛndiiyo niŋ, mbo wa nda nilaŋ yaŋɔɔ. Okoŋ mbo mam. Mbo dimi aa: ‘Ya cho niŋ hoo o yuwɛiyo, ya kpeekpei vialu vɛlɛ ni?’

Mɛɛ teleŋ koŋ fuuluu, mi Sela vialu wana pɔnɔɔ a mɛɛ maalikɛinɔ Chɛhowaa ndoo dimul ndu yɛ. Mi Ebilaham ke poombɔ koŋ diolaŋ aa Aase. Ndu sim ni, “Mamɔɔ.”

 Aase wa niŋ le wɔsilaŋ la ŋuɛɛnu, okoŋ mi Sela cha Isimɛɛl Aase mamɔɔ. Sela ndoo yeema mbo manda po ndɔɔ. Le hei, mbo kɔ dimul Ebilaham maa, o tou Hakaa nda po ndɔɔ Isimɛɛl. O kandɔŋndo, Ebilaham ndoo yeema keŋ tosa le. Kɛ mi Chɛhowa dimul Ebilaham aa: ‘Yaŋ Sela nilaŋ. I cho puɛɛnɔŋ a Isimɛɛl okɔɔ le. Kɛ o Aase niŋ sanaa sɔɔŋ ya dimul numndoŋ cho yɔŋnɔŋ ni.’