Isaac a mbe a mbili mimbu 40 éyoñ a nga lu’u Rebecca. A mbe a nye’e nye abui. Ba nye be nga biaé bone bebaé, mimbias.

Ntôl ô mbe éyôlé na Ésaü, mone baa ki Jacob. Ésaü a mbe a nye’e a tabe’e afan amu a mbe a nye’e nsôm, a mbe fe beta ñwôé betit. Jacob ki a mbe a nye’e a tabe nda.

Melu mete, éyoñ ésa a wuya, be mbe be va’a ntôle mon abui si a abui moné. Be mbe be loone jôm éte na élik. Nda bôt Isaac, bengaka’a Yéhôva a nga bo Abraham be nga yiane tôéban be mon a mbe a bili éto ntôl. Ésaü a nji be a dañe bisi bengaka’a be Yéhôva, ve be mbe nya mfi mise me Jacob.

Môs éziñ, Ésaü a nga bulane nsôm a to mbia nte’an. Nde a nga wô’ô abeñ ényum é so’o vôme Jacob a mbe a yame’e bidi, ane a nga jô nye na: ‘Ma wô’ô mbia zaé, tame ma señe bidi wo yame le!’ Nde Jacob a nga yalane nye na: ‘Ma kañese, ve taté’é ma ve éto ntôle jôé.’ Ane Ésaü a nga jô na: ‘Éto ntôl ja volô ma jé? Nyoñe je, ô ve ma jôme ya di.’ Ye wo buni na Ésaü a nga yeme bo nga? Teké’é. Ésaü a nga biasé édima jôm étom ésua bidi!

Isaac a nga tyi’i na a zu botane ntôle mone wé valé a nto nnôm. Nde Rebecca a nga volô Jacob na a nyoñe bibotane bite. Éyoñ Ésaü a nga ke so, a nga zu koone na  Jacob a maneya nyoñe bibotane bise, nde a nga wô’ô mbia ôlun, a taté na a bôndé fe’e ya wôé nye. Mbôle be mbe be kômbô’ô kamane Jacob, Isaac ba Rebecca be nga jô nye na: ‘Tubuk, ô ke tabe be Laban ndôme nyua, akekui éyoñ ôlun Ésaü wo ye man.’ Jacob a nga vô’ôlô mbamba melebe mete, ane a nga tup.