Jehová opromete vaʼekue Jacóbpe oprotehetaha chupe oprotehe haguéicha Abrahán ha Isaácpe. Jacob oho vaʼekue oiko Haránpe. Upépe haʼe omenda, ifamília, oreko vaʼekue heta mbaʼe ha irrikoiterei.

Ohasa rire peteĩ tiémpo, Jehová heʼi Jacóbpe: “Tereho jey nde túa ha ne hentekuéra oikohápe”. Jacob ojapo la Jehová heʼíva ha osẽ oho jey Canaánpe hogayguakuérandi. Tapére unos kuánto isirviénte ou heʼi chupe: “Oime ne ermáno Esaú ou hína ha hendive ou 400 kuimbaʼe”. Jacob okyhyjeterei Esaú ojapórõ g̃uarã ivaíva hese ha hogayguakuérare. Upévare oñemboʼe Jehovápe ha heʼi chupe: “Chesalvamína che ermáno Esaúgui”. Al día sigiénte Jacob orahaka Esaúpe heta rregálo, orahaka chupe heta ovecha, kavara, vaka, kaméllo ha vúrro.

Upe pyharépe, Jacob oĩrõ guare haʼeño ohecha peteĩ ánhelpe ha koʼẽtĩ meve olucha hendive ani hag̃ua oho chugui ovendesi mboyve chupe. Oluchahápe pe ánhel ndive, Jacob ojedeskadera, péro ni upeichavérõ noñentregái. Upémarõ pe ánhel heʼi chupe: “Epoi chehegui”. Péro Jacob heʼi chupe: “Nachevendesíri aja entéro ndapoimoʼãi ndehegui”.

Upémarõ pe ánhel ovendesi Jacóbpe, koʼág̃a Jacob oĩma segúro Jehová oñangarekotaha hese ha ndohejamoʼãiha Esaú ojapo hese mbaʼeve.

 Upéi, koʼẽmba rire, Jacob mombyry guive ohecha Esaú ouha hína 400 kuimbaʼe ndive. Upémarõ oho hogayguakuéra renonderã ohug̃uaitĩ hag̃ua iñermánope, ha ohokuévo oñesũ jey jey 7 vése og̃uahẽmbotávo hendápe. Esaú katu odipara ohug̃uaitĩ Jacóbpe, ha og̃uahẽvo hendápe oañua chupe. Upépe mokõivéva oñepyrũ hasẽ ha oñoperdona hikuái. ¿Ndépa ere ogusta hague Jehovápe la Jacob ojapóva?

Upe rire Jacob osegi la iviáhe Canaánpe ha Esaú oho jey hógape. Jacob 12 itaʼýra vaʼekue: Rubén, Simeón, Leví, Judá, Dan, Neftalí, Gad, Aser, Isacar, Zabulón, José ha Benjamín. Tiémpo rire Jehová osalváta hína isiervokuérape José rupive. ¿Reikuaasépa mbaʼéichapa ojapóta upéva? Jahechamína.