Jehova wakasyomezya Jakkobo kuti wakali kuyoomukwabilila mbuli mbaakakwabilila Abrahamu aIzaka. Jakkobo wakali kukkala kuHarani. Alubo wakakwata akuba ampuli mpati alubono lwiingi.

Mukuya kwachiindi, Jehova wakabuzya Jakkobo kuti: ‘Bweeda kunyika yakuli ndinywe.’ Kuzwa waawo, Jakkobo ampuli yakwe bakatalika lweendo lulamfu lwakubweeda kuli mbabo. Kabali mulweendo, babelesi bakwe bakaboola kulinguwe akumubuzya kuti: ‘Mukulana wako Esawu uzobuza kulinduwe abaalumi bali 400!’ Jakkobo wakali kuyoowa kuti Esawu uyanda kuzoomulwana ampuli yakwe. Jakkobo wakakomba kuli Jehova kati: ‘Kondivuna kuzwa kumukulana wangu.’ Mubuzuba bwakatobela, Jakkobo wakatuma babelesi bakwe kuti bakape Esawu zipo zyiingi ziswaanizya mbelele, mpongo, ng’ombe, nkamele ambong’olo.

Mubusiku oobo, Jakkobo kali alikke, wakabona mungelo! Mpawo, mungelo ooyo wakasaanguna kulwana aJakkobo mane kusikila kubuchedo. Nikuba kuti mungelo ooyo wakachisa Jakkobo, pesi Jakkobo taakamulekezya pe. Mungelo wakati: ‘Ndileke ndiinke.’ Pesi Jakkobo wakati: ‘Nsikookulekezya pe kusikila undilongezye.’

Kumamanino mungelo wakalongezya Jakkobo. Kuzwa waawo, Jakkobo wakaziba kuti Jehova wakali kuyoomukwabilila kuzwa kuli Esawu.

Nibwakacha, Jakkobo wakalanga kule-kule akubona Esawu kalikuza abaalumi bali 400. Jakkobo wakayinka kunembo lyampuli yakwe  akuya bukotama kwaziindi zili 7, kaya kumukulana wakwe. Esawu wakachijaanina Jakkobo akumukumbata. Boonse bakalila akulekelelana. Ubonaanga Jehova wakamvwa biyeni atala azyakachitwa aJakkobo?

Kuzwa waawo Esawu wakabweeda nkwaakali kukkala, mpawo Jakkobo wakayinkilila kunembo alweendo lwakwe. Jakkobo wakali abana bali 12. Mazina aabo nguRubbeni, Simiyoni, Levi, Juda, Dani, Nafitali, Gadi, Aseri, Isakkara, Zebbuloni, Josefa aBenjamini. Jehova wakabelesya Josefa kuti afutule bantu Bakwe. Ulizi na kuti wakazichita biyeni? Atubone.