Si Josep ma anak ni si Jakkob na pasampulu sadahon. Mansai holong do roha ni bapakna tu si Josep. Menurutmu, songon dia do angka abang ni si Josep mangida i? Cemburu do nasida tu si Josep jala sogo do roha ni nasida tu ibana. Di sada tingki, dipaboa si Josep ma nipina tu angka abangna. Di nipi i dipaboa, na laho marsomba angka abangna tu ibana. Alani i, lam sogo ma roha ni nasida mangida si Josep!

Sada tingki, marmahan domba ma angka abangna di jonok ni kota Sikem. Disuru si Jakkob ma si Josep asa laho mangida nasida. Sian na dao dope nunga diida nasida si Josep. Jala didok ma, ‘Nga ro be siparnipi i. Tapamate ma ibana!’ Diingkat nasida ma si Josep jala didabuhon tu sumur na bagas. Alai didok abangna na margoar si Juda ma, ‘Unang tapamate ibana! Tumagon ma tajual ibana gabe hatoban.’ Alani i, dijual nasida ma si Josep saarga 20 perak tu halak Midian na marjualan tu Mesir.

Dung i, dibahen abangna ma mudar ni hambing tu bajuna. Jala diboan ma i tu bapakna, didok ma, ‘Ndang baju ni anakmi on?’ Dirimpu si Jakkob ma naung mate si Josep diallang binatang buas. Marsak situtu ma ibana. Ndang adong sahalak pe na boi menghibur ibana.

Di Mesir, dibahen ma si Josep gabe hatoban ni pejabat na margoar si Potipar. Alai sai didongani Jahowa do si Josep. Burju do si Josep karejo jala jujur do ibana. Diida si Potipar do i. Alani i, dibahen ma si Josep gabe pengawas ni angka arta ni si Potipar.

Alani gantengna, sai diida istri ni si Potifar do si Josep. Sai diajak istri ni si Potifar do ibana asa rap modom. Alai, aha do na diulahon  si Josep? Ndang olo ibana. Didok ma, ‘Daong! Sala do i. Porsea do tuanku tu ahu, jala istrina do ho. Molo rap modom ahu dohot ho, mardosa ma ahu tu Debata!’

Sada tingki, dipaksa istri ni si Potipar ma si Josep asa rap modom. Ditarik ma bajuna, alai lari do si Josep. Tingki mulak si Potipar tu jabu, didok istrina ma na dipaksa si Josep ibana asa rap modom. Gabus do i. Muruk ma si Potipar, jala dipenjarahon ma si Josep. Alai, ndang ditinggalhon Jahowa si Josep.