Кала о Иосифо сас андо баруно, лэ фараоности, саво сас правителё андо Египто, снисайлэ сунэ. Лэн нико на полэлас. Ек лэско слуӷо ԥэндя, кай и сунэ полэл ек о Иосифо. О фараоно май йто бишалдя пала лэстэ.

О фараоно ԥэндя лэсти: «Росԥэн, со сыкавэн мэрнэ сунэ?» О Иосифо ԥэндя: «Семь бэрш андо Египто авэла бут хамос, ай тоди семь бэрш авэла боқалимос. Вити́дэ годявэрнэ манушэс, саво стидэла о зэрно и о хамос, кай и мануша тэ на авэн боқалэ». О фараоно ԥэндя: «Мэ тут витидав! Ту авэса манца тэ правис андо Египто!» Сар о Иосифо поля, со снисайля лэ фараоности? Лэсти андэ када дя зор о Иегова.

Кала прожанас пэрви семь бэрш, о Иосифо стидэлас хамос андо баро ҭан. После када па вся ԥув сас боқалимос, сар и ԥэндя о Иосифо. Всаворэ ригэндар авэнас и мануша, кай тэ тинэн кай о Иосифо хамос. Лэско дад о Иаково ашундя, кай андо Египто исин хамос, и бишалдя интя пэстирэ дэшэн шавэн.

Кала о Иосифо диқля пэстирэ ԥралэн, во ӷатярдя лэн. Но и ԥрала на полинэ, кай када о Иосифо. Вонэ тэлелэ лэсти, сар снисайля лэсти андо суно. О Иосифо закамля тэ уӷанэн, прожыля лэнди холи чи най. Во ԥэндя: «Тумэ чоралэс авелэ тэ уӷанэн, со андэ амари ԥув. Авелэ, кай тэ стерэн вэрыто». Вонэ ԥэндэ: «Най, амэ 12 ԥрала анда Ханаано. Ек ԥрал уже муля, ай о цыкнэдэр ашэляпэ лэ дадэса». Пэ када о Иосифо ԥэндя: «Анэн мандэ лэ цыкнэдэрэс ԥралэс и тоди мэ тумэнди  патява». Важ када и ԥрала рисайлэ цэрэ каринг о дад.

Кала кай о Иаково на ашэляпэ хамос, во инке еқвар бишалдя лэ шавэн андо Египто. Пэ кадэва разо вонэ линэ пэса лэ Вениаминос, лэ цыкнэдэрэ ԥралэс. О Иосифо закамля тэ диқэл, паруделэпэ лэстирэ ԥрала чи най. Во гарадя пэсти рупони чаша андо гоно лэ зэрноса, саво сас лэ Вениаминоско, ай тоди о Иосифо ԥэндя, кай ла чордэ и ԥрала. Кала и слуӷоря виарақлэ и чаша андо гоно кай о Вениамино, и ԥрала фартэ пэрэдарайлэ. Вонэ линэ тэ мангэн лэ Иосифос, кай фэдэр во варисо лэнца тэ стерэл, ай най лэ Вениаминоса.

Акана о Иосифо поля, кай и ԥрала ашэлэ авэр. Во будэр нащи гаравэлас кода, со лэстэ сас по ди. Во ля тэ ровэл и ԥэндя: «Када мэ о Иосифо, тумаро ԥрал. Ԥэнэн манди, о дад амаро инке жундо?» И ԥрала фартэ пэрэдарайлэ. Тоди о Иосифо ԥэндя: «На даран кодэлэстар, со тумэ манца стердэ. Када ман о Дэл кардэ бишалдя, кай тэ фэрисарав тумари жизня. Акана жан май йто и анэн кардэ мэрнэ дадэс».

Вонэ жылэ цэрэ каринг о дад, росԥэндэ лэсти лащи новость и залинэ лэс андо Египто. Скати бэрш о Иосифо на диқля пэстирэ дадэс. Акана, вонэ упалэ диқлэпэ.