Mose yange tôndo zwa a Farao ér mayange je una kera hide a va nenge a na ga. Kpa cii man Mose kaa sha ishigh ki Farao sha yô, a kaa a na ér: ‘Á va kuman atôutu yô, ônovmbaiundav mba ken tar u Igipiti cii vea kpe, á hii sha waniunda u Farao zan zan waniunda u ikpan.’

Yehova maa kaa a Mbaiserael ér ve er kwaghyan ugen u hange hange, u ve vanden eren ga yô, ve ya. A kaa ér: ‘Sôngo nen nomiyôngo gayô kpev u a kom inyom i môm yô, shighe nen awambe a na sha ikpande i ihinda yen. Mgbagh nen inyam na sha usu, ya nen i sha bredi u i we kwa sha mi ga yô. Zer nen akondo, lu nen a akôv shin angahar, keghen nen a kegh u moughon. Hen tugh mbun me due a ven ken Igipiti kera.’ Hen ase ken ishima you er yange a saan Mbaiserael iyol kpishi yô.

Ka va kom atôutu yô, ortyom u Yehova zende sha hanma idyôya ken tar u Igipiti cii. Hanma ya u ortyom la nenge a awambe sha kpehunda her ga cii yô, ônovmbaiundav ve kpe her. Kpa ya u ortyom la a nenge a awambe sha kpehunda cii yô, a aver a kar. Hanma orya u nan lu Origipiti di tsô yô, waniunda u nan kpe, mbanyarev man atsanaior cii. Kpa ônov mba Mbaiserael yô, mô kpe ga.

Farao iyol na kpa wan na kpe. Nahan Farao kera fatyô u wan ishima a ican ne  ga. Maa fese je a kaa a Mose man Aron ér: ‘Mough nen. Due nen ken ior av kera. Yem za civir nen Aôndo wen. Kura nen uzendenya enev yem nen!’

Hen tugh mbura, uwer ta wanger wang, nahan Mbaiserael zende due ken Igipiti kera, ve lu yemen akum akum, sha icombor ve man sha ikwe ve vough vough. Nomso tseegh lu 600,000, kasev kpa lu kpishi kua mbayev. Shi ikpelaior igen i i nungwa sha a ve yô, i yem a ve imôngo, ér ve kpa vea za civir Yehova. I due a Mbaiserael ken kpan kera!

Yange lu u vea eren iniongo i kwaghyan u hange hange la hanma inyom, sha u umbur er Yehova yange yima ve yô. I yilan iniongo shon er Paseka.