Fafisu Firaun ryower mboi kawasa Israel sya sisasyarbur sup Masir kwar, fyadwer karkara ḇyena. Iwan sordade ḇyesi radine, ’Mkofasos kereta ḇemamun ayesi kam ḇo kora koyawuser si! Kopok korir awer si fa sra sibur.’ Firaun ma sordade ḇyesi siyawuser kawasa Israel sya ḇeri.

Yahwe ḇyuk mandep ro arkok ma for ro roḇ fa fyarkin snonkaku Israel sya. Dun si ḇe Soren Ḇerik, ma iwan si fa sifrur rum kruḇen fa sḇarek ro na.

Mura, snonkaku Israel smam Firaun ma sordade ḇyesi srama fanam. Siwarai ro fandu soren anya ma sordade Masir sya. Skanes ḇo sikofen ḇe Moses i, ’Nari komar! Ras anya nkoḇarek ro Masir mura kada.’ Mboi Moses doḇe, ’Mkomkak awer. Yahwe nari fyaspar ko.’ Moses ikyar kaku faro Yahwe I.

Yahwe iwan snonkaku Israel sya fa sfasasos kaḇer ma simbran wer. Roḇ ani, Yahwe ifrur mandep ani fa ikren ro fandu snonkaku Masir ma Israel sya. Moḇ snonkaku Masir sya sisya ro na pyampan, mboi ro moḇ snonkaku Israel sya simbran moḇ ya isnai.

Yahwe iwan Moses i fa kyanow ankyon ḇyeja ḇe soren. Mura,  Yahwe ifrur fa wam ya ipok kaku ro roḇ anya ḇesiper. Soren ani irwas da ḇyesuru, ma sampak ya isya ro fadu. Snonkaku Israel sya sibor kaku simbran ro saprop ḇesyor ani. War ḇero andir sena imnis ra ander ḇeyores ro ḇar raku ma rasar sena.

Firaun sordade ḇyesi siyawuser snonkaku Israel isof ro sampak ḇesyor anya. Mura, Yahwe ifrur napnap sordade ansi. Roda-roda sena nasapibur kereta sena. Sordade ansi sar naba, ’Kofrar! Yahwe iso ḇemunwarek si.’

Yahwe ikofen ḇe Moses i, ’Kwanow ankyon beja ḇe soren.’ Fyor ya ḇeri war anna nasapi rarḇaḇ nabrasepen sordade Masir ansya. Firaun ma sordade ḇyesi simar kam. Oso iḇye ḇaḇeri.

Ro ḇar iwarya, kawasa ḇebor ansi sidisen sisandik Allah, ’Kodisen faro Yahwe I kukro ismai payamyum ḇeba kaku. Isawen kuda ma ḇeyek sya ḇe soren yadori.’ Fafisu sidisen, ḇar bin sya sifyer ma sifnak rebana. Snonkaku syakam simarisen kaku kukro simkei kwar.