ഈജി​പ്‌ത്‌ വിട്ട്‌ ഏതാണ്ട്‌ രണ്ടു മാസം കഴിഞ്ഞ​പ്പോൾ ഇസ്രാ​യേ​ല്യർ സീനായ്‌ പർവത​ത്തിൽ എത്തി അവിടെ കൂടാരം അടിച്ചു. മോശ പർവത​ത്തി​ലേക്കു കയറി​പ്പോ​യി. യഹോവ മോശയെ വിളിച്ച്‌ ഇങ്ങനെ പറഞ്ഞു: ‘ഞാൻ ഇസ്രാ​യേ​ല്യ​രെ രക്ഷിച്ചു. അവർ എന്നെ അനുസ​രിച്ച്‌ എന്റെ നിയമങ്ങൾ പാലി​ച്ചാൽ അവർ എനിക്ക്‌ ഒരു പ്രത്യേ​ക​ജ​ന​ത​യാ​യി​രി​ക്കും.’ മോശ തിരി​ച്ചു​ചെന്ന്‌ യഹോവ പറഞ്ഞ കാര്യം ജനത്തോ​ടു പറഞ്ഞു. അപ്പോൾ അവർ എന്തു ചെയ്‌തു? അവർ പറഞ്ഞു: ‘യഹോവ പറയു​ന്ന​തെ​ല്ലാം ഞങ്ങൾ ചെയ്‌തു​കൊ​ള്ളാം.’

മോശ വീണ്ടും പർവത​ത്തി​ലേക്കു കയറി​ച്ചെന്നു. അവി​ടെ​വെച്ച്‌ യഹോവ പറഞ്ഞു: ‘മൂന്നാം ദിവസം ഞാൻ നിന്നോ​ടു സംസാ​രി​ക്കും. സീനായ്‌ പർവത​ത്തി​ലേക്കു കയറി​വ​ര​രുത്‌ എന്നു ജനത്തോ​ടു പ്രത്യേ​കം പറയണം.’ മോശ ഇറങ്ങി​ച്ചെന്ന്‌, യഹോവ തന്നോടു സംസാ​രി​ക്കു​മ്പോൾ അതു കേൾക്കാൻവേണ്ടി ഒരുങ്ങി​യി​രി​ക്കാൻ ജനത്തോ​ടു പറഞ്ഞു.

മൂന്നാം ദിവസം പർവത​മു​ക​ളിൽ മിന്നലും ഇരുണ്ട മേഘവും ഇസ്രാ​യേ​ല്യർ കണ്ടു. വലിയ ഇടിമു​ഴ​ക്ക​വും കൊമ്പ്‌ ഉപയോ​ഗിച്ച്‌ ഊതുന്ന ശബ്ദവും അവർ കേട്ടു. യഹോവ തീയിൽ പർവത​ത്തിൽ ഇറങ്ങി​വന്നു. ഇസ്രാ​യേ​ല്യർ ആകെ ഭയന്നു​വി​റച്ചു. പർവതം മുഴുവൻ അതിശ​ക്ത​മാ​യി കുലുങ്ങി, അതു പുക​കൊണ്ട്‌ മൂടി. കൊമ്പു​വി​ളി​യു​ടെ ശബ്ദം കൂടി​ക്കൂ​ടി വന്നു. ദൈവം പറഞ്ഞു: ‘ഞാൻ യഹോ​വ​യാണ്‌. മറ്റൊരു ദൈവ​ത്തെ​യും നിങ്ങൾ ആരാധി​ക്ക​രുത്‌.’

മോശ വീണ്ടും പർവത​ത്തി​ലേക്കു കയറി​പ്പോ​യി. യഹോ​വയെ എങ്ങനെ ആരാധി​ക്ക​ണ​മെ​ന്നും ജനം എങ്ങനെ പെരു​മാ​റ​ണ​മെ​ന്നും ഉള്ള നിയമങ്ങൾ യഹോവ മോശ​യ്‌ക്കു കൊടു​ത്തു. മോശ ആ നിയമങ്ങൾ എഴുതി എടുത്തിട്ട്‌ ഇസ്രാ​യേ​ല്യ​രെ വായി​ച്ചു​കേൾപ്പി​ച്ചു. അപ്പോൾ അവർ ഇങ്ങനെ വാക്കു കൊടു​ത്തു: ‘യഹോവ പറയു​ന്ന​തെ​ല്ലാം ഞങ്ങൾ ചെയ്‌തു​കൊ​ള്ളാം.’ അതെ, അവർ ദൈവ​ത്തി​നു വാക്കു കൊടു​ത്തു. പക്ഷേ അവർ ആ വാക്കു പാലി​ക്കു​മോ?