Fuo Moize ngbembatayo fu gu rikaaboro nangia aYisaraere tipa dungu agarã, gako raka ambedi ka digo. Yekova aya fuko: ‘Anga mo nika ndu na aYisaraere ku Ringara Mokido yo te. Ono mi nika sa ro mo bi gu ringara re.’ Moize ki sana Yekova tipa ko sia vovo boro ningbembatayo fu aboro. Yekova ki ya fuko: ‘Mo ndu fuo Yosua na ki ya fuko ko du mi nasia ko.’

Moize aya fu aboro ko ima mbeda na kpio na Yekova sia Yosua tipa ko ngbe fuyo kumbatayo ku rogo Ringara Mokido. Fuani, Moize ki ya fu Yosua: ‘Ka mo gunde nga ya. Yekova nika duadu na mo.’ Ngbutuko fuo gure, Moize andu kurii Bagangara Nebo yo, yo du Yekova ayugu gu ringara ni fuko ko akidopaha fu Abarayama, Yisaka, na Yakobo. Garã Moize adu nga 120 ho ko akpi ni.

Yekova aya fu Yosua: ‘Mo si gu Di Nga Yaradene ki ndu ku Kanana yo. Mi nika undo ro kina wai mi aundo Moize. Mo nigedi gimi aNdiko na aˈuru dunduko. Ka mo gundenga ya. Mo du ngangarã. Mo ndu ki mangi gupai mi nagumbaha foro.’

Yosua akedi abamoirago ue i ndu ka bi gu  gbata nga Yereo re. Rogo gu pangbanga ngbefuo gere, ani nika wirikapai yo gbe tipa gupai namangi. Ho i akaragatiyo ni, i ape gupai nga gere nga wene regbo ka ndu ku Kanana yo. Fuo girorago, Yosua aya fu aboro i dungura gayo ahe. Fuani, ko ki kedi agu aboromotumo naatinda sanduki mokido i ndu mbatayo ku rogo gu Di Nga Yaradene. Gu ime re adu ni hihii he. Nibasa ho aboromotumo azogo nduyo ni ku ime yo, gu di re aru zanga fu na ime ki tona ka uguda! Aboromotumo andu ku bebere ime yo ki ru yo, na aYisaraere tigayo kini si rogo gu kura paparaha kubani. Ya mo mo abingo ho nga gi iˈiriwopai re aatingida yo na pa gupai Yekova amangihe Zamba Baime yo te?

Niyangaraha, fuo agu agarã re dunduko, aYisaraere ada rogo Ringara Mokido. I atona dudua abambu na gayo gbata. I ki tona ka rũko gayo ahe na abakakue na gu kura zuzu ahe. Si angia gu ringara naadu na nzeme anyege na momu anya kpaima.