Mɛɛ puaa suaŋ suaŋaa Chɔɔsuaa vem nda fuuluu Chɛluiko, mi wana lanɔ pilɛ diolaŋ Luehabi yiya nda o ndu lo chiɛiniŋ. Mɛɛ masaa Chɛluiko tuei a hei okɔɔ, mbo viam puaa chɔuwa o chiɛi Luehabi wo. Mi Luehabi viaŋ puaa suaŋ suaŋnda haa o kaa, mbo hui puaa chɔuwa maa a kuɛŋnuŋ. Mbo dimul puaa suaŋ suaŋnda aa: ‘I cho nya mala. Kanifuule I sina maa Chɛhowa cho nya kɔɔli, nduyɛ o cho nya mala mi la tiu lɛŋnde naaleŋ ba. Yandii la chuel la buŋgɛi maa la cho ya chiindiaa a yuŋgu nuu.’

Mi puaa suaŋ suaŋnda dimul Luehabi aa: ‘Wana o wana cho o numndo chiɛiniŋ, nyɛ o nyɛ cho nda yɔŋnɔŋ te.’ Ma dimul ndu vɛlɛ aa: ‘Yii yoole siaŋaleŋ o wundɛi numndo. Keŋ cho tosa mi yuŋgu numndo kpou sɔla chindaa.’

Mi Luehabi baa yooleŋ o wundɛi ndɔɔ, mi puaa suaŋ suaŋnda haa tual o yoole leŋ. Ma kua o pemboŋ choo, ma kɔ vioŋnuŋ le palɛi i yaa, malaŋ nda kua naa Chɔɔsuaa chua. Okoŋ mi Isɔluɛiya taŋ Pioo Chɔɔdaŋ, ma bɛɛndiaŋ le ma kɔ puu nda lɛŋndeŋ o ba. Chɛluiko wa  chiee tase nda poonda wo ni. Mi Chɛhowa dimul nda maa a nɔ ma balu Chɛluiko lepilɛ o paaleŋ niŋ le palɛi i ŋɔmpum. O paale ŋɔmmɛuleŋ choo, ma balu chioo haaa le ŋɔmmɛu. Okoŋ, mi wanaa soliaa lasalaa hɔŋ bulula ndalaŋ. Mi puaa chɔuwa deŋi choo choo kpeleŋ. Mɛɛ nda tosa hei, mi kpaki chioo a chiɛilaŋ kpou la koombiaa. Chiɛi Luehabi wo wa o holnaŋ o kpaki chioo, kɛ nyɛ o nyɛ yɔŋnuŋ ndu le. Mi Luehabi a yuŋgu ndɔɔ sɔla chindaa, kanifuule ndoo tiindaŋ o Chɛhowa niŋ.