Sho oondaadhi dhAaisraeli dha yi koshilando Jeriko, odha kala megumbo lyomukiintu gwedhina Rahab. Omukwaniilwa gwaJeriko sho e shi uvu, okwa tumu aakwiita kegumbo lyaRahab. Rahab okwa holeke oondaadhi ndhoka mbali pombanda yondunda nokwa lombwele aakwiita kutya ke shi hoka dhu uka. Rahab okwa lombwele oondaadhi a ti: ‘Otandi mu kwathele, oshoka ondi shi shi kutya Jehova oku li kombinga yeni, notamu ka sinda oshilando. Uvanekelii ndje kutya otamu ka hupitha aanegumbo lyandje.’

Oondaadhi odha lombwele Rahab dha ti: ‘Otatu uvaneke kutya kapu na nando ogumwe gwaandjeni ta ka mona oshiponga.’ Odha ti: ‘Manga ongodhi ontiligane pekende, opo aanegumbo yoye ya vule okuhupithwa.’

Rahab okwa kulukitha oondaadhi nongodhi ndjoka ya li ye endjelela pekende lyondunda. Odha yi koondundu, nodha kala dha holama hoka uule womasiku gatatu, manga inaadhi shuna kuJosua. Aaisraeli oya li ya taaguluka omulonga gwaJordan noya li yi ilongekidha okuyuga ko oshilando. Jeriko osho oshilando shotango ya sindi. Jehova okwe ya  lombwele ya dhingoloke oshilando lumwe esiku kehe muule womasiku gahamano. Mesiku etiheyali oya dhingoloka oshilando luheyali. Aayambi oya li taya hiki oombenda naakwiita oyi igidha mokule ngaashi taya vulu. Edhingililokuma lyoshilando olya kumuka po. Ihe egumbo lyaRahab ndyoka lya li medhingililokuma inali kumuka po. Rahab naanegumbo lye oya hupithwa, molwaashoka oya li yi inekele muJehova.. Rahab and her family were saved because she trusted in Jehovah.