О Навино бут бэрша сас барэдэр андэ лэ Иеговаско народо. Во муля, кала лэсти сас 110 бэрш. Кала во сас жундо, о народо кандэлас лэ Иеговас. Но, сар во муля, вонэ линэ тэ тэлён хохавнэ дэвлэнди, сар и хананеёря. Важ када о Иегова домэкля, кай о ханаанско царё Иавино тэ терэл бут найлашимос лэнди. Лэ израильтянонэнди сас ԥарэс, и вонэ линэ тэ мангэн лэ Иеговас тэ поможый лэнди. Тоди о Иегова дя лэнди аврэ барэдэрэ манушэс, лэ Варакос. Во трэбуй сас тэ поможый лэнди тэ ринпэ каринг о Иегова.

Еқа манушня ақарэнас Девора. Вой пэрэдэлас лэ Иеговастирэ алава пала кода, со авэла англэ. И акэ вой ақардя лэ Варакос, кай тэ ԥэнэн: «Лэ пэса 10 000 манушэн, жа каринг и лэн Киссоно и марпэ лэ Иавиностирэ войскоса. Ту вицэлэса и война лэ Сисароса, саво барэдэр андэ Иавиноско войско». О Варако ԥэндя: «Сар жаса ту, жава и мэ». Вой ԥэндя: «Мэ жава. Но ӷан, кай най ту умарэса лэ Сисарос. О Иегова ԥэндя, кай лэс умарэла и жувли».

И Девора вазгляпэ лэ Варакоса и лэстирэ воинонэнца по плай Фаворо. Состэ? Кай бут со тэ стерэн, кай тэ жан тэ марэнпэ. Када ашундя о Сисара. Во стидя и вурдона, савэ важ и война и лэ воинонэн  пэ мал, сави сас паша плай. И Девора ԥэндя лэ Варакости: «Адес о Иегова стерэла, кай ту вицэлэса и война!» О Варако и лэстирэ 10 000 воиноря линэ тэ змэкэнпэ, кай тэ марэнпэ.

О Иегова тердя, кай о паи тэ вижал анда бэрэӷо. Тоди и вурдона, савэ важ и война, забэшлэпэ андэ чик. О Варако и лэстирэ воиноря вицэлдэ и война. О Сисара инке сас жундо. Во схукля па вурдон и занашля. Во гараделя кай и манушни Иаиль. Вой дя лэсти ҭуд и ушарадя лэ диялоса. Кадэва воино фартэ цыеля и во засутя. Тоди Иаиль полокорэс поджыля и умардя лэс лэ тилодоса, саво сас ла катунатар.

Кала о Варако родэлас лэ Сисарос, во авеля каринг ла Иаиляти катуна. Вой вижыля каринг о Варако и ԥэндя: «Зажа, и мэ сыкавава тути кодэлэс, кас ту родэс». О Варако зажыля и додиқля, кай о Сисара муло. После када о Варако и Девора линэ тэ дилабэн диля, савэ прославляют лэ Иеговас. Вонэ дилабэнас, важ кода кай во дя лэнди тэ вицэлэн и война, сави лэндэ сас лэ вороӷонэнца. Тоди 40 бэрш андо Израилё на слинэ войны.