THUTO 33
Ruthe le Naomi
Ge nageng ya Isiraele go be go na le tlala e kgolo, Moisiraele yo a bitšwago Naomi o ile a tloga moo a na le monna wa gagwe le barwa ba bona ba babedi, gomme ba yo dula nageng ya Moaba. Ka morago, monna wa Naomi o ile a hwa. Barwa ba gagwe ba ile ba nyala basadi ba Bamoaba e lego Ruthe le Oropa. Ka manyami, ge nako e dutše e eya, barwa ba Naomi le bona ba ile ba hwa.
Ge Naomi a ekwa gore kua Isiraele ga go sa na tlala, o ile a kgetha go boela gae. Ruthe le Oropa ba ile ba sepela le yena, eupša ge ba le tseleng, Naomi a re go bona: ‘Le be le hlokometše nna le barwa ba ka gabotse. Ke nyaka gore le nyalwe gape. Boelang gagabo lena kua Moaba.’ Basadi bao ba re: ‘Re a go rata! Re sepela le wena.’ Naomi o ile a tšwela pele a ba botša gore ba boele gae. Mafelelong, Oropa o ile a ya gae, eupša Ruthe yena a gana. Naomi a re go Ruthe: ‘Oropa o boela bathong ba gabo le medimong ya gabo. Sepela le yena.’ Eupša Ruthe a re: ‘Nka se go tlogele. Batho ba geno e tla ba bagešo, gomme Modimo wa gago ya ba Modimo wa ka.’ O nagana gore Naomi o ile a ikwa bjang ge Ruthe a bolela mantšu ao?
Ruthe le Naomi ba ile ba fihla nageng ya Isiraele ge go be go bunwa mabele ao a bitšwago garase. Ka letšatši le lengwe, Ruthe o ile a ya go yo buna mabele ao a šaletšego mašemong a monna yo a bitšwago Boase, yoo e bego e le morwa wa Rahaba. Boase o be a kwele gore Ruthe ke Momoaba le gore o be a hlokometše Naomi gabotse. O ile a botša bašomi ba gagwe gore ba šiele Ruthe mabele a mantši moo mašemong.
Bošegong bjoo, Naomi o ile a botšiša Ruthe a re: ‘O topeletše mabele mašemong a mang lehono?’ Ruthe a re: ‘Mašemong a monna yo a bitšwago Boase.’ Naomi a re go Ruthe: ‘Boase o tswalana le monna wa ka. Tšwela pele o buna mašemong a gagwe o na le basetsana ba bangwe. Go ka se be le yo a go tshwenyago.’
Ruthe o ile a tšwela pele a buna mašemong a Boase go fihlela puno e fela. Boase o ile a bona gore Ruthe o šoma ka thata le gore ke mosadi yo a kgahlišago. Mehleng yeo, ge monna a be a ka hwa a se na barwa, motswala wa monna yoo o be a šala a nyala mosadi wa gagwe. Ka gona Boase o ile a nyala Ruthe. Ba ile ba ba le ngwana yo a bitšwago Obede, yoo a ilego a ba rakgolo wa Kgoši Dafida. Bagwera ba Naomi ba ile ba thaba kudu gomme ba re: ‘Jehofa o thomile ka go go nea Ruthe, yoo a go hlokometšego gabotse, gomme gona bjale o go neile setlogolo. A go tumišwe Jehofa.’
“Go na le mogwera yo a kgomarelago motho go phala ngwanabo.”—Diema 18:24
You May Also Like
EKIŠA TUMELO YA BONA
Ruthe—“Mosadi wa Paale”
Ke ka baka la’ng lenyalo la Ruthe le Boase e le la bohlokwa? Re ka ithuta’ng go Ruthe le Naomi ka lapa?
DIKANEGELO TŠA BEIBELE TŠA DISWANTŠHO
Ruthe ke Mogwera yo a Botegago
Le ge e be e se Moisiraele, potego ya gagwe e ile ya mo tlišetša tšhegofatšo e kgahlišago ya Modimo.
EKIŠA TUMELO YA BONA
Ruthe—“Mo o Yago Gona le Nna ke tla ya”
Ke ka baka la’ng Ruthe a be a ikemišeditše go tlogela lapa la gabo le naga ya gabo? O bontšhitše dika dife tšeo di dirilego gore a be bohlokwa go Jehofa?
DIKARATA TŠA BATHO BA KA BEIBELENG
Karata ya Beibele ya Ruthe
Ke ka baka la’ng Ruthe a be a ikemišeditše go tlogela naga ya gabo? Phrintha karata ye ya Beibele gomme o hwetše karabo.
DIKARATA TŠA BATHO BA KA BEIBELENG
Karata ya Beibele ya Naomi
Ka morago ga gore monna wa gagwe le barwa ba gagwe ba hlokofale, o ile a kgopela bagwera ba gagwe gore ba mmitše ka leina le lengwe.
GO ITHUTA KA DISWANTŠHO
Mogwera yo a Botegago wa Naomi
Mošomo wo o thuša bana ba mengwaga ya magareng ga e 3 le e 6 go ithuta ka Ruthe le Naomi.
