Jéhovah atene na Samuel: ‘Gue na da ti Jessé. Mbeni molenge ti lo oko ayeke ga ande gbia ti Israël.’ Tongaso, Samuel ague na da ti Jessé. Na ngoi so lo bâ kozo molenge ti Jessé, lo tene na bê ti lo, lo tene: ‘A doit ti duti maseka-koli so.’ Me Jéhovah atene na Samuel so ayeke zo ni la ape. Jéhovah atene: ‘Mbi bâ ye so ayeke na yâ ti bê ti zo, me mbi yeke bâ pëpe gï ye so lê ti zo ayeke bâ.’

Jessé asigi na ambeni molenge ti lo encore omene na Samuel. Me Samuel atene: ‘Jéhovah asoro mbeni oko na popo ti ala ape. Eskê ambeni molenge ti mo ni ayeke dä ape?’ Jessé atene: ‘Mbi yeke na mbeni, so ayeke tanga ti molenge ti mbi, David. Lo gue ti bata ataba ti mbi.’ Gï na ngoi so David aga, Jéhovah atene na Samuel: ‘A yeke lo la.’ Samuel angbâ atuku mafuta na li ti David, ti soro lo ti ga ande gbia ti Israël.

Ambeni ngoi na pekoni, azo ti Israël ague ti tiri bira na aPhilistin, so ayeke na mbeni ngangu turugu ti ala so ayo mingi so ayeke tiri ndali ti ala, iri ti lo ayeke Goliath. Lâ oko oko, Goliath ayeke he azo ti Israël. Lo dekongo, lo tene: ‘Ala tokua na mbi mbeni koli mbi na lo e tiri e bâ. Tongana lo sö benda, e yeke ga angbâa ti ala. Me tongana mbi la mbi sö benda, ala yeke ga angbâa ti e.’

David aga na kobe na aita ti lo ti koli so ayeke na popo ti aturugu ti azo ti Israël ni. Lo mä tënë so Goliath ayeke tene so na lo tene: ‘Mbi yeke tiri na lo.’ Gbia Saül atene na lo: ‘Me mo yeke gï molenge senge.’ David atene: ‘Jéhovah ayeke mû maboko na mbi.’

 Saül aye si David amû ye ti bira ti lo ti tiri na ni, me David atene: ‘Mbi peut ti tiri na aye ti bira ni so ape.’ David amû mvingi ti lo na lo gue na yanga ti mbeni ngu. Lo soro apendere tênë oku lo zia ni na yâ ti kete bozo ti lo. Na pekoni, David amû loro lo gue na mbage ti Goliath. Yongoro koli so adekongo, atene: ‘Ga ge, kete molenge. Mbi yeke mû nyama ti terê ti mo na andeke nga na anyama ti ngonda.’ Mbeto asara David kete ape. Lo nga kue lo dekongo, lo tene: ‘Mo yeke ga na mbi na épée nga na likongo, me mbi yeke ga na mo na iri ti Jéhovah. Mo yeke tiri na e ape; me mo yeke tiri na Nzapa la. Azo kue so ayeke ge ayeke bâ na lê ti ala so Jéhovah ayeke ngangu ahon épée wala likongo. Lo yeke zia ala kue na maboko ti e.’

David atourné tênë so lo zia na yâ ti mvingi ti lo ni so na ngangu ngangu, na lo bi ni. Na lege ti mungo maboko ti Jéhovah, tênë ni ague amû devant ti li ti Goliath. Yongoro koli so atï na sese lo kui. Mo ye ti bâ, aPhilistin ni kue akpe ti sö fini ti ala. Eskê mo yeke na confiance na Jéhovah tongana ti David so?