Ngke e tia Tawita n tiringa Koria, e a mwiokoia te Uea are Tauro bwa e na mataniwi i aoia ana taanga ni buaka. E tokanikai Tawita i aoni buaka aika bati, ao e rangi n tanoata taekana. Ngkana e oki Tawita man te buaka, a otinako aine ni mwamwaie ao a anenea aei: “E kamateia aiana aika nga ma nga Tauro, ao Tawita tatabebwi tenga.” E a moanna ni bakantang Tauro iroun Tawita ao e a kan tiringnga.

E rangi n rabakau ni katanga te abi Tawita. N te bong teuana ngke e tabe ni katanga te abi ibukin Tauro, ao e a karetekeaki naba n te kainiwai iroun te uea aei. E katuaa kaina Tawita ao e teke te oo n te kainiwai. Imwin anne, e a kataia Tauro n tiringa Tawita n taai aika bati. N tokina, e a birinako Tawita ni karabaa n te rereua.

E kairiia ana taanga ni buaka aika 3,000 mwaane Tauro ao a a nako ni kakaaea Tawita. Ao e rin Tauro n te nangananga are a  karabaia iai Tawita ma ana rorobuaka. A wirikiriki ana rorobuaka Tawita nakoina ni kangai: ‘Aio am tai n tiringa Tauro.’ E kawakawa Tawita nakon Tauro ao e korea rabin ana kunnikai te uea. Akea te bae e namakinna Tauro. Imwina riki, e nanokawaki Tawita bwa e a tia n aki karinea te uea ae ana kabiraki Iehova. E bon aki kariaia ana rorobuaka bwa a na ekaanako Tauro. Ngke e a otinako Tauro man te nangananga ao e takarua Tawita nakoina ni kaotia ae ngke ngkai e a tia n tiringnga. E bita ana iango Tauro ibukin Tawita?

E aki. E teimatoa Tauro ni kaea Tawita. N te tairiki teuana, a karaba n rin n ana kaembwa Tauro Tawita ma ai natina ae Abitiai. E matunako Abenera, are te mataniwi n ana taanga ni buaka Tauro. E taku Abitiai: ‘Aio ara tai! Kariaia bwa N na tiringnga.’ E kaeka Tawita ni kangai: ‘E na boni katuuaaeaki Tauro iroun Iehova. Ti na tii uotaanako ana kainiwai ao nnen nimana te ran.’

E tamwarakea ngkanne te maunga ae uakaan Tawita are e kona n nora iai ana kaembwa Tauro ao e takarua ni kangai: ‘Abenera, e aera ngkai ko aki tararuaa am uea? E nga nnen niman Tauro ao ana kainiwai?’ E kinaa bwanaan Tawita Tauro ao e taku: ‘Ko boni kona n tiringai ma ko aki karaoia. I ataia bwa boni ngkoe ae ko na uea imwiu i Iteraera.’ E a okira ana baareti Tauro. Ma bon iai naba kaain ana utu Tauro aika taatangira Tawita.